( كتبت روجي فادي )
وصف ابونا دوماديوس حبيب الراهب بدير المحرق السيدة نعيمة مسداري باجمل الكلمات وقال عنها من خلال صفحتة الرسمية علي موقع التواصل الاجتماعي فيسبوك : صباح الخير والبركة من ساعه ماشوفت الام نعيمة مسدارى وانا بفكر فيها وكانها رسالة ربنا لى لقيت فيها تجسيد كامل لكل التعاليم والفضائل المسيحية وكتاب بستان الرهبان كله عايشاه وفاهماه اظهرت مثلا فضائل كثير زى :
* التواضع * الفقر الاختيارى * الطاعه * التجرد والامتناع عن الملكيه * العطاء * المحبه الباذله * القناعه * التسليم الكامل لله * الهدوء * لين القلب * العطف على الفقراء * الاحساس بالاخر * اماته الذات
* الصبر على التجارب والشكر فيها
واضاف : وغيره كتير بس اللى قرا كتاب بستان الرهبان وقارنه بالست البسيطه دى هتلاقيها تفوقت على كتير من الرهبان المتعبدين فالصحراء يعنى هى بستان فضائل كامل فالرهبنه والزواج والبتوليه كلها طرق مختلفه لازم يكون اساسها تكريس القلب لله ويكون هدفها الله .
واختتم : حياه القداسه مش مقتصره على مجموعه دون الاخرى لان الكتاب المقدس بيقول لان اراده الله هى قداستكم يعني كلنا بلا استثناء ربنا عايزنا نكون قديسينً وبلا لوم فى امهات عفيفات زيها كثير جدا جدا لكن ربنا حب يدينا درس فى القناعة والشكر والطاعة والقلب الشبعان بربنا بجد صلوا من اجلها ربنا يحفظها . يذكر ان مذيع الشارع قال لها انتي كسبتي معانا ياست نعيمة مبلغ ٣٠٠٠ جنية فرفضت ان تاخذ الجائز وقالت له انا لا استحق هذه الجائزة اعطي هذا المال لاي شخص غلبان يستحقها .
