انتشرت شائعات خلال الساعات الماضية تقول ان المرنم بيتر هاني سافر للسماء فجاء رد بيتر هاني بنفسة علي هذة الشائعات وقال من خلال صفحتة الرسمية علي موقع التواصل الاجتماعي فيسبوك: من يومين نشرت بوست الاغلبيه عندي شافوه وعبرت فيه عن كل حاجه تعباني ! ويمكن دي كانت اول مره افضفض فيها بالشكل دا علي السوشيال وبعدها مسحت البيدج والفيس.
واضاف : لقيت من بعدها الدعم والمحبه جايين من ناس ميعرفونيش غير من السوشيال بس ! وتاني يوم كنت نايم وصحيت علي ناس بترن عليا وتبعتلي اسكرينات من جروبات كتيره اوي مكتوب فيها خبر ان في اشخاص ناشرين اني اتوفيت !! لقيت من بعدها كميه مكالمات وكميه رسايل من ناس اعرفهم بقالهم مده مش بيسالو عليا !! يعني لو الخبر دا كان حقيقي كنتوا هتسالو عليا ازاي وانا ميت ؟؟!! .
وتابع : قبل كده مكنش حد منكم يعرفني ومكنش حد منكم بيدعمني في محنتي !!؟ انا بكتب دلوقتي علشان عاوز اقول لكل واحد فيكم شكراً لكل واحد قدملي دعم سواء كان بكومنت او رساله او مكالمه تليفون او حتي وهو معدي بالصدفه قالي كلمه محفزه ونفسي اعملهم منشن لواحد واحد و اشكرهم بس فعلا العدد كبير ( وخليني اقولكم ان الكومنتات كلها والرسايل اخدتها اسكرين شوت عشان تكون مصدر طاقه ايجابيه ليا في الفتره اللي جايه ) انا لسه زي مانا بمر بحاله مش كويسه بس انا عارف اني هكون احسن باذن ربنا وهرجع اقف علي رجلي من تاني.
واكمل: لسه في شويه ياس واحباط وتشويش ولخبطه وعدم استقرار في الناحيه النفسيه بس كله هيروح بس انا واثق في ربنا وفي دعواتكم ليا مره تانيه شكرا لكل واحد خد من وقته وكتبلي رساله او كومنت او حتي قالي كلمه في الشارع لما شافني شكراً لمحبتكم .
واختتم : قفلت الفيس والبيدج يوم واحد دفنتوني انا بصراحه معنديش اي كلام قادر اقوله علي قله الادب اللي حصلت دي !!! انا اصحابي واهلي وناس كتير رنت عليا وبتبعتلي رسايل والخبر مليان في كل الجروبات المسيحيه !!!! ايه الاستفاده من كده ؟؟؟؟؟؟ علي كل حال انا بيتر هاني اللي بكتب البوست دا
