كشف الاستاذ جورج نبيل الصديق المقرب للمهندس بولا قاصد الذي تم العثور علي جثتة بترعة الاسماعلية غارقاً سبب وفاته وذلك بعد تفريغ الكاميرات قائلا: بولا واقع غصب عنه من علي معدية الوحدة اللي في شبرا الخيمة عشان مكنش واكل وكان تعبان فداخ.
واضاف من خلال صفحتة الشخصية علي موقع التواصل الاجتماعي فيسبوك قائلا: الكلام ده اتثبت بشهادات الشهود اللي كانو موجودين وكاميرات المراقبه ومفيش اي شبهه جنائية فا ياريت يعني نبطل اشاعات تشهير في كلام محصلش اصلا وكفايه تجريح في اهلة وياريت نوقف الموضوع ده واي حد عندو اي استفسار يقدر يتصل بياا ونشكركم علي اهتمامكم.
كما اكد الاستاذ جورج انه اثناء البحث عن المهندس بولا قاصد كان مع اسرته ويبحث عنه الي ان عثروا علي جثتة وقال انه شاف الجثة ولا يوجد بها اي خدوش او أثار تعدي علية والكاميرات اوضحت انه لا يوجد اي شخص قام بقتلة او رميه في الترعة.
وكان الاقباط طالبين النيابة العامة بالتحقيق لكشف ملابسات لغز أختفاء و وفاة المهندس بولا قاصد غرقاً في ترعة الإسماعيلية لانه ثالث حالة أختفاء يعقبها وفاة في أقل من شهرين واشاروا الي انه من عزبة النخل وماسك مصنع ابوه فى شبرا الخيمة واختفى منذ ٦ ايام واهله بلغوا عنه ثم وجدوة جثة فى ترعة الاسماعيلية لذلك تسالون ما هي الحكاية بالظبط ؟؟!!.
يعنى مينا عبد السيد اختفى ولقوه جثة فى بيارة صرف ومايكل لويس يختفى ويلقوه بعد كام يوم جثة فى النيل وادى بولا اختفى كام يوم ولقوه جثة فى ترعة!!!والتلاتة ماتوا خلال شهر ونص فقط !!!.
