تعرض الشاب القبطي ريمون رشاد فايز الي حادث اليم ادي الي مصرعة واقيمت صلاة الجنازة علي روحه الطاهره بكنيسة الفديسه دميانه بالسراقنا مركز القوصيه وودعة خالة من خلال صفحتة الشخصية علي موقع التواصل الاجتماعي فيسبوك باصعب الكلمات .
قائلا : انا عندي مشكله مع الموت ،خاصه موت القريبين ، مش بستوعب الموضوع او اتقبله ،باخد وقت طويل قوي وسنين عشان استوعب ان الشخص دا مش هشوفه تاني خالص خاصه لو موت مفاجئ بتاع الحوادث دا.
مش بنسي دايما وقفتك معاايا زمان لما كنت فاتح المحل كنت بروح ابات عندك في القاهره واكل شارب نايم وتنزل معايا نجيب بضاعه ونلفها عندك وتوصلني القطر كمان كأني مسئول منك.
اخر مره اتقابلنا اصريت اصرار غريب انك تعزمنا انا وتوماس علي العشا وخدتنا بعربيتك رجعتنا القوصيه وكان الوقت متاخر ورجعت انت تاني اسيوط عشان منركبش مواصلات كان عندك كرم وجدعنه ورجوله نادرا ما بيتجمعوا في انسان وكان عندك حاجه مش عند حد خالص راجل بقلب طفل حرفيا انا مش عادتي اكتب كده بس انا بكتب للي ميعرفكش لازم يعرف انه خسر كتير جدا انه معرفش حد زيك.
ونعاه احد اصدقائة من خلال حسابه الشخصي علي موقع التواصل الاجتماعي فيسبوك قائلا : ربنا يرحمك يا غالي وصبرنا انتقل الى الامجاد السماويه الابن الفاضل ريمون رشاد فايز في حادث مأساوي .
