في عيد الام اهدي الشاعر محمد فتحى شعر لاعظم ام في الوجود وهي السيدة العذراء مريم بعنوان ( العدرا مريم دي أعظم أم ) .
مريم ميم راء ياء ميم أسم مبارك أسم عظيم اسم جميل اللى ربنا أختاره و كرمه فى كتبه أعظم تكريم فالكتب السماوية مذكور مكتوب بحروف من نور أم السلام و أمنا كلنا العدرا مريم أم النور . مستحيل تحلى الكلمات فى يوم عيد الأمهات غير بأسم العدرا مريم أطهر و أعظم كل البنات اللى ما فيه أبدا فى جمالها اللى شالت كلمة ربنا قالها أختارها و طهرها و كرمها عوضها بمسيحها و أدالها . العدرا مريم أعظم أم لما بتظهر السلام بيعم اللى دايما تلاقى أيدها بتطبطب و تلمس و تضم وقت الشدة تمللى معينة اللى وعودها تمللى أمينة وقت الخوف وقت الضيق دايما شط و مرسى و مينا . بركاتك دايما يا أم النور بتداوى كل عليل مكسور بتطيب و تجبر خواطر بتملا القلب فرح و سرور ده كل اللى بينادى عليها فى الحال دايما يلاقيها مش بتتأخر أبدا عنه دايما بالخير مادة أيديها . مهما نحكى مهما نقول مش راح نوصف البتول اللى مش هنوفى حقها مهما الكلام عنها يطول السلام عليها و على أبنها الأم اللى مفيش أبدا منها كل سنة و أنتى طيبة ياللى بتشرف بالكتابة عنها .
