في ليلة عيد الام اهدي الشاعر محمد فتحى من خلال صفحتة الشخصية علي موقع التواصل الاجتماعي فيسبوك شعر للسيدة نعيمة مسدارى التي اثرت في الملايين بقناعتها بعنوان ( نعيمة مسدارى أم القناعة )
يا أمى فى يوم عيد الأمهات كل سنة و أنتى جوة القلوب تعيشى لينا و نكتبلك أغنيات فى كتب الرضا أسمك مكتوب نعيمة مسدارى أم سماوية ملاك و عايش على الأرض مفيش منها فى الدنيا دية لا ليها قبل ولا حتى بعد . .
على أرض الواقع و عالنت حتى فى سيناريو الأفلام مشوفناش زيها أم أو ست لا فى حقيقة ولا فى أحلام لا فى زيها فى الخيال . .
أنتى جاية منين يا أمى من السما ولا من الجنة السؤال ده شاغل همى يا مين بس يجاوبنى أنا تعيشى لينا يا أمنا نعيمة . .
ياريت بس نتعلم الدرس منها أو نمشى مثلا على دى القاعدة هى كانت محتاجة فعلا لكنها رفضت أى مقابل أو مساعدة مهما كتبت ليكى فى كلام أو شعر أو مواويل أو أغانى اكيد الدنيا مش هتجيب زيك تاني يا امي . .
أم القناعة أم الكرامة يا جماعة دى درس لينا من عند ربنا نفسى كلامى يوصل ليكى تشوفيه يا أمى فى عيدك لو عليا أوطى أبوس رجليكى كمان على راسك و أيدك . .
