علق عماد لطفي شقيق عادل لطفي ضحية امين الشرطة ايمن حسين سليم وهو في حالة غضب شديدة علي حكم المحكمة علي المتهم بعشرة سنوات فقط قائلا : الملعون ده هو واهل بيته ليوم القيامه قتل اخويا الشاب 32 سنه زينه الشباب قتله الساعه 12 ظ في عز الظهر امام شهود عيان اقروا بكده قدام المحكمه تقوم ايه بقي تتاجل القضيه لمده سنه وشهر ونلف في المحاكم وندوخ وتأجيله ورا تأجيله ومحامي الشيطان يطالب بتأجيل والمحكمه تأجل ودايره المحكمه تتغير ويجي قاضي ورا قاضي. ويحاول محامي الشيطان يطلعه مجنون ويطلب انه يتعرض علي مستشفي العباسيه ويروح العباسيه ويجي من العباسيه وتتأجل وتتأجل ويجي التقرير من العباسيه انه سليم ومش مجنون اومال كان شغال امين شرطه ازاي وانتوا بتقولوا انه مجنون وفي الاخر يا سيدي القاضي يديله حكم ١٠ سنين ؟؟؟!!!! ويقولونا ده كده كويس ده كان ممكن ياخد ٣ سنين ده كده زي الفل ارضوا بالحكم ده ده قضاه مصر عادل ؟؟!!! لانهم حكموا في قضيه عادل لانهم بيطبقوا حكم الله العادل ؟؟؟!!!! وفي الاخر بتسألوا الجريمه في مصر بتنتشر ليه ؟؟! . يعني واحد يتحرش بواحده ياخد ١٥ سنه علشان الاعلام ركز عليها والقضيه بتاعتها تاخد اقل من شهرين وواحد يقتل واحد ويحرم اهله واصحابه منه وياخد ١٠ سنين ؟؟! قضاه مصر انتم خذلتونا بضعف ايديكم وقرارتكم المرتعشه قضاه مصر ستحاسبون امام الله علي وزنه العدل التي لم تطبق في قضيه اخي متزعلوش بقي يا قضاه مصر لما القاتل ده يطلع بعد مدته يقتل اخوك او ابنك الساعه ١٢ ظ ويجي قاضي صاحبك يديله ١٠ سنين وتحس بنار الظلم اللي ظلمت بيها غيرك دم أخويا في رقبه قضاه المحكمه اللي اقروا بالحكم الهزلي ده . قصاص الدم هو الدم وده حكم كل الاديان السماوية انتوا بتنفذوا حكم مين ؟؟؟! لو بتقولوا ان المشكله في مواد القانون ضعيفه يبقي عدلوا مواد القانون او نفذوا روح القانون اللي مفروض تريح المظلوم المهم حق المظلوم يرجع اخر أمل ان فيه حد ممكن ينصفك وده حل قانوني ومشروع في بلد من المفترض انها تنفذ القانون بنطعن في الحكم و بنطالب النيابه العامه بتغيير الوصف والقيد للقضيه من القتل العمد الي القتل العمد مع سبق الاصرار والترصد بما في ذلك من توافر كل شروط حاله سبق الاصرار والترصد في القضيه وبروايه كل شهود الوقعه .
