بقي يارب يرضيك المولود إللي رزقتنا بيه بعد 26 سنة جواز ينزل ميت معجزة رائعة

حدثت هذة المعجزة مع مخيمر حنا عبد الشهيد أحد الشمامسة المكرسين بكنيسة باكوس بالاسكندرية دام زواجه 25 عاماً دون نسل وفي ذات يوم كان قداسة البابا كيرلس يزور إحدى الكنائس بمنطقة غيط العنب بالاسكندرية فذهب هذا الشماس لمقابلته وانحنى أمامه وقال له : صلي لي يا سيدنا علشان متزوج من 25 سنة علشان ربنا يديني نسل .

فطيب البابا خاطره وقال لي : حا يجيلك ولد يا ابني هوبعد شهور حملت زوجته فذهب للبابا كيرلس في دير مارمينا حيث كان البابا متواجدا وقال له تحققت صلوات بركة أونة ولا صليب علشان المولود لما يجيي يتبارك بيهم ووقتها البابا كيرلس السادس لم يهتم بالأمر وقال له يا ابني مش مهم وهذا كان غريب جداً وكلما كلمه عن زوجته يقوم البابا بتغيير الموضوع ويقول له : هو انت يا ابني مش من اسكندرية طب وازي أبونا قسطنطين وأبونا فلانتأ فكرر الشماس الكلام : يا سيدنا بقولك مراتي هاتولد فقال سيدنا طب يا ابني يا بتاع اسكندرية يا مية مالحة ومشى الشماس من عند قداسته وهو متعجباً .

ولما جاء موعد الولادة نزل الجنين ميت فحزن هو وزوجته حزناً شديداً وكان الشماس يعاتب الله قائلا: بقى يا رب الولد بعد ما يجي بعد 26 سنة يتولد ميت ،، فذهب يوحنا لقداسة البابا كيرلس السادس حتي يعاتبة قائلا : شايف يا سيدنا الولد ال اتنبأت لنا بيه نزل ميت فرد البابا عليه ردا غريبا خلاص يا ابني كفاية فتعجب الشماس ورد عليه وهو لم يفهم يعني ايه يا سيدنا مش فاهم فقال البابا : قول كفايه قال الشماس يعني ايه يا سيدنا يعني ربنا حا يديلك ولاد لغاية ماتقول كفاية .

وفعلا حملت زوجته بعدها وولدت مينا وبعد مرور سنة انجبت جرجس وبعد سنه أنجب حنا واستمر الأمر فذهب الشماس للبابا وقال له يا سيدنا حنفية عيال اتفتحت وعايزين نقفلها رد علية البابا كيرلس قول كفاية يا ابني فقال الشماس كفاية .