محمد فتحي يكتب يا أبونا بأيدك نورت الفانوس خليت شيطان الفتنة مفروس

كثير من الاباء الكهنة هذة الايام تجسيداً للروح الوطنية بين ابناء مصر يعلقون فوانيس وزينة رمضان امام بيوتهم وامام كنائسهم حتي يؤكدون ان ابناء مصر مسيحيين ومسلمين يد واحدة ولا يقدر احد علي تفريقهم وانتشرت صور الآباء الكهنة علي مواقع التواصل الاجتماعي.

وكتب الشاعر محمد فتحى من خلال صفحتة الرسمية علي موقع التواصل الاجتماعي فيسبوك شعر يعبر عن سعادتة بما يفعلوة بعنوان ( يا أبونا بأيدك نورت الفانوس )

يا أبونا بأيدك نورت الفانوس من الحب اللى جواك مغروس بجد يا روعاتك يا طيبة قلبك خليت شيطان الفتنة مفروس تعيش أيدك يا أبونا تعيش اللى كشفت لنا الخفافيش اللى مش عايزين المحبة عشان سبوبة متساويش.

وريهم المحبة يا أبونا وريهم يا مخلى نار الفتنة تولع فيهم عاش أبونا الغالى رمز المحبة أديهم دروس ياريت تديهم علق الفانوس يا أبونا علق خلى المحبة تطير و تحلق كل اللى غيران من محبتك فى ناره عمال يطق و يفلق.

يا أبونا الفانوس منك خجلان لما شاف نورك اللى ظهر و بان دى المحبة اللى ظهرت منك جننت الحية و غلبت التعبان أيدك اللى ماسكة الحبال فى المحبة تستاهل تمثال عمالة تحل و تفك و تربط الله يا أبونا على الجمال.

يا أبونا يا مثال للأنسانية يا صافى القلب و النية فعلا عطيتنا درس أسمه المحبة الربانية ده كل العالم شاف قلبك الطيب الشفاف الرسالة وصلت يا أبونا أن مفيش بننا أختلاف .

تعيش لنا دايما فالخير يا راجل يا بركة يا أمير تسلم لينا يا غالى علينا على المحبة و التعبير فى كلماتى اللى كاتبها رسالة رايحة لصاحبها ياريت تكون وصلت له بحروفى اللى بيهيبها.