عمرو اديب يفتح النار على النادي الاهلى
انتقد الإعلامي الشهير عمرو أديب، ما اطلق عليها شماعات من قبل منظومة النادي الاهلي لتبرير خسارتهم من نادي الوداد المغربي في مباراه نهائي دوري أبطال إفريقيا.
تصريحات عمرو اديب عن فوز الوداد
وقال عمرو اديب خلال برنامجه الحكاية عبر شاشة ام بي سي مصر، مساء الجمعة: أنا أعرف النادي الأهلي كيف يكسب وبشوفه وهو بيكسب وبزعل اوي وهو بيكسب لكن اللي اكتشفته إن النادي الأهلي مش بيعرف ينهزم.
وأضاف عمرو اديب : هناك كمية كبيرة من التحليلات والتبريرات لخساره الاهلي من يوم الماتش كان ناقص نتكلم عن دور الرياح الموسمية في خساره النادي الأهلي ظروف الماتش لا علاقة لها بما جرى على أرض الملعب.
وذكر عمرو أديب ملحما لنادي الزمالك: خدوا الكلام ده من ناس متعودة على الخساره عادي بناخد الأمور ببساطة ونضحك أنا مش بحفل على الاهلى او شمتان أن قلبي على الرياضة.
وتابع: ليه عاملين فى الاهلى مصنع شماعات اتعلموا من نادي ليفربول اللي استوعب الحكاية خسروا بهدوء هي دي الكرة فى كل العالم، لما النادي الأهلي يكسب خارج أرضه يقولك روح التيشيرت الاحمر ولما يتهزم يقولك الجو والحر والحكام وغيره وغيره.