حمو بيكا يكشف حقيقة منشوره الوحش راجع يا شوية جواجع بعد استقالة هاني شاكر
حمو بيكا يكشف حقيقة منشوره الوحش راجع يا شوية جواجع بعد استقالة هاني شاكر
شارك مطرب المهرجانات حمو بيكا مقطع فيديو جديد له عبر صفحته الشخصية على فيس بوك رد من خلاله على المنشورات التي كتبها بعد إعلان استقاله هاني شاكر من منصب نقيب الموسيقيين
وقال مطرب المهرجانات حمو بيكا أنا طالع علشان أوضح معلومة لكل الناس اللى بتتكلم على السوشيال ميديا و بياخدوا كلام مش على لساني وقبل ما أتكلم الأستاذ هاني شاكر مقامه كبير على راسى و بحبه و مفيش بيني و بينه أي حاجة و زعلان إنه قدم استقالته و أنا اه مش شغال في مصر و مش زعلان و كمان مش معايا كارنيه النقابة و مش بطبل ولا عايز أي حاجة
وأضاف مطرب المهرجانات حمو بيكا بقول إن الأستاذ هاني شاكر ده أخويا الكبير و انا بنتشرف بيه في كل حتة
أنا نزلت صورة مكتوب عليها الوحش راجع يا شوية جواجع ده أغنية جديدة مع نور التوت و المهرجان بكرة هينزل لكن أنتوا حرفتوا المعنى و الدنيا اتقلبت اهدوا شوية على نفسكم مش كل حاجة تاخدوها و تحرفوها و تعملوا فيلم منها
واكمل مطرب المهرجانات حمو بيكا قائلا هدوا اللعب شوية علشان انا مش مستحمل والله العظيم كل واحد فيه اللي مكفيه أنا موقوف و مش معايا كارنيه و مش معايا أي حاجة لكنى راضي بحكمة ربنا و ألف حمد وشكر ليك يارب إنى ماشى على رجلية
وأستكمل مطرب المهرجانات حمو بيكا قائلا للأستاذ هاني شاكر أنا أخوك الصغير و بحبك ومفيش بيني و بينك حاجة و قدرني ابنك مش عاوز حاجة ومش عاوز النقابة و أنا طالع أوجه الرسالة دى للي واخدين الصورة دي أنا محدش له دعوة بيا و انا بعلن عن أغنية ليا يعني و احد بيعلن عن أغنية بتاخدوا الكلام تحروفو
وأختتم مطرب المهرجانات حمو بيكا حديثة قائلا هو مفيش غيري سايبين الدنيا كلها و مركزين معايا ما تسيبوني في حالي والله العظيم ما أوعى أروح لأهلى ما قصدي على هاني شاكر أنا راجل في حالى و بعلن عن أغنيتي متسيبوا الملك للمالك وسيبوا كل واحد فى حاله لية بتحبوا تودوا نفسكوا فى الخراب يا ريت كل واحد يركز في شغلة وحياتة ما توصولش صورتنا للعرب بصورة وحشة ما توصولش أننا وحشين ليه توصلوا للناس أننا صيع واننا مالناش أهل كل واحد عاوز يكتب حاجة يكتب على بق اللى قالها مش علشان تطلع تريند تتكلم عني وحسبي الله ونعم الوكيل في كل واحد بيجيب في سيرتي وكل واحد وحش
