جورجيت شرقاوي تكشف عن شخصيه البرنس المصري الذي يسب المسيحيه وحرق الانجيل
من هو البرنس المصري الذي هدد اقباط مصر واهان الدين المسيحي ؟
يؤسفني أن اتقين أنه اسامه شرف الدين اللي كان بينزل معانا في القائد ابراهيم و هو شخصية البرنس المصري اللي اسأت الي المسيحية و ازدرت الدين بكل سهوله
و هذه شهادتي الصدمه فيه اسامه كان شاب كويس و جدع و ثائر يجيد الهتافات و الجموع بتتلم حواليه و لا كان متعصب و لا كان طائفي
من سنين كتيرة سافر اسطنبول و منعرفش ازاي
و كان يقدم محتوى جاذب في البداية و لم يتحدث عن السياسه او عن الرئيس و لا حتي الاخوان في صفحته اللي كنت صديقه فيها لحد امبارح و بيني و بينه ١٠٠ صديق منهم مسيحيين
حتى وصل به الحال أنه يتم تأجيره لعمل خطة تفتيت بأسلوب الفتنة قبل ١١/١١ وقدر فعلا انه يلفت الأنظار
و لهذا اختار الدين وسيله عشان يقدر يتشهر و في اعتقادي سيوجه المحتوى لبلوغ الغاية منه سياسيا و لكن ليس ما يريده دينيا ابدا
و لي تعليق علي ما قاله اتمني يوصله :
اربع اسماء اللي قال انهم يسيء للإسلام على التيك توك حد يتبرع ويطلع فيديوهاتهم و حنعمل حملة عليهم كلهم و لن نفرط في حق احد لو كانوا داخل البلاد
ثانيا ما دلالته أنهم تابعين للكنيسة ؟ مفيش دليل واحد قدمه و المؤسسه الكنسيه المصريه احرص علي الأمن القومي و استحاله تشجع علي ما يسميه مبشرين علي النت
ثالثا : اشمعنا يا اسامه تذكرت المدعو زكريا بطرس في هذا التوقيت و ليه مش في وقت مبكر ايام الهاشتاج ما كان منتشر ؟؟ فين الجديد ؟؟
رابعاقدمت محتوي عن تحرير القدس هل قمت بالتحرير فعلا بدل من صب لعناته على من يريد العيش بسلام وأمان في وطنه؟
إذن الفيديو الذي وجهه للكنيسة حقق شهرة و تريند و سيبني عليه بعدها حشد ثوري سياسي
لحد امتى هيفضل مسيحيو مصر يدفعون ثمن واحد هارب مثلك تماما و هو واحد فقط بالمقارنة مع أنظمة سابقة ربت في حجرها الكثير من المتشددين؟
شفت مني و من غيري ايه وحش يخليك توصل لهذا الحد من التدني ؟
هل المفترض اننا نضع في كفه كل مسلمي مصر المحترمين مع أمثال مريضه نفسيا أساءت للدين المسيحي ؟
بالطبع لاو لهذا انتهي هذا الفكر العفن من زمان
طب بتعمل كدة ليه الا عشان الفلوس !!
ليه هانت عشرة المسيحيين اصدقائه الطيبه ؟
طيب لو ضيق الحال وصله لكدة ايه اللي يخليه شاب مؤيد للنظام يتحول إلى خنجر مسموم في ظهرها بكل بساطة ؟؟
عشان نعرف ازاي ابن مصر لما يتسحب من حضنها و يتلم علي دواعش في بلد زي تركيا يوصلوا ازاي لمراحل من التشدد و العنف
يا ترا ازاى يعرفو يجذبون شخصيات مؤثرة من وسط حضن بلدهم .يا ترى عيب مين و خسر النظام كام شاب على مدار سنين ؟؟
و حقيقي اشفق علي اسامه مما وصل اليه .واتمني يعود لرشدة اكيد لسه فيه حته نضيفه داخله
ملحوظة: لم ارى فيديوهات الا بعد بيان النائب العام و لم اكن مهتمه اصلا و لا دخلت صفحته من سنين الا لما صدمت من شخصيته امس و مازلت عند رأيي اهمال هذا النوع طالما كان بالخارج .
النائب العام
اشكر المستشار المحترم حمادة الصاوي و لكن مع كامل الاحترام والتقدير للنيابه العامه هذا إجراء احترازي و بيان سياسي للتهدئة
لكن مفيش حاجه اسمها يتم القبض عليه وهو يعلم كذلك جيدا و سيستمر
و الأولوية كنا جبنا الاخوان الهاربين من برة
ياريت نتجاهل المحتوى و ربنا يعدي هذه المرحلة علي خير .
