مينفعش تتجوز تاني طليق زوجه حسن شاكوش يفجر مفاجأة تقلب الموازين
قام أحمد ، طليق ريم طارق، زوجة مطرب المهرجانات حسن شاكوش، بتفجير مفاجأة جديدة بعد أزمة طرد حسن شاكوش لزوجته و تطور الأمر لبلاغات و محاضر شرطه متبادله بينهم .
طليق ريم طارق
و قال طليق ريم طارق في برنامج تفاصيل تقديم الإعلامية نهال طايل، الذي يذاع على قناة صدى البلد، مساء اليوم الأحد: ان الصدمة اللي اتفاجئت بيها إن ريم تتجوز تاني، و هي عندها تعب صحي يمنعها من الزواج ، و ده ظهر بعد شهرين من زواجي منها ، و أهلها كلموني عشان تتطلق .
و اضاف طليق ريم طارق قائلا : أنا مقصرتش معاها ، و قولت لأهلها مش عايز أطلق و أنا هعالجها ، وروحت معاها لدكتور ولقيت الدكتور بيقولي إنها لا يصح لها الزواج .
و تابع: وقتها سلمتهم القايمة و معايا شهود و نزلوا القايمة بالشقة في يومين ، و كل الكماليات في البيت خدوها. لقيت الشقة وقتها فاضية ، و أنا معنديش مشكلة في الحاجة مش عايزها بس عايزهم يتنازلوا عن القضايا اللي رفعوها عليا .
حقيقة تعدي طليق ريم طارق عليها بالضرب
اما عن صحة تعديه علي ريم طارق طليقته السابقه وزوجه حسن شاكوش حاليا بالضرب في خلال زواجه لها، ردّ: أنا مكنتش بضربها و مضربتهاش علقة موت ، و عمري ما مديت إيدي عليها ، و كل مشكلة كنت اروح أشتكي لوالدها .
اما عن السبب وراء وقوع الطلاق بينهما، قال رجل الاعمال احمد : انه كان فيه ظروف معينة للطلاق و لما حصلت مشاكل بيني و بين ريم ، أهلها جابوا المأذون و قعدنا ، و معرفش أنا مرفوع عليا قضايا ليه بعد الطلاق ؟، و مش عاوز غير إني عايز أعيش في استقرار .
و اختتم طليق ريم طارق حديثه قائلا : مرفوع عليا قضايا منقولات و إيصالات أمانة ، و كل اللي انا عايزه منها تتنازل عن القضايا اللي رفعاها عليا و ربنا يسعدها في حياتها ، و اتفرض عليا الطلاق و مكنتش عايز أطلقها ، و طلقتها و خدت مني حقوقها حقوقها الكاملة .
رفعت عليا قواضي
و أوضح احمد طليق ريم طارق، أنها قامت برفع قضايا عليه من 4 أشهر، و لم يكن لديه اي معرفه بها بل علم بالامر عن طريق المحامى، معقبا: تعاملت معاها بعفوية و لكنهم دخلونى فى دوامة .
ولفت طليق ريم طارق، إلى أن الزواج استمر بينهم عام كامل، معقبا: زي ما دخلنا بالمعروف خرجنا بالمعروف .