غادة إبراهيم تثير جدل كبير على مواقع التواصل الاجتماعي بسبب تصريحاتها الجريئة

لقد أوضحت الفنانة غادة إبراهيم عن التفاصيل الجديدة في حياتها الشخصية، مشيرة إلى انها قد قامت بأداء العمرة من فترة قصيرة كما أشارت غادة إبراهيم في لقاء تلفزيوني لها قائلة : أنا لسه راجعة من العمرة من شهر واحد ومن العمرة للعمرة قد يمحو الله ما بينها من ذنوب قد ارتكبت من قبل ، موضحة أن هناك فرق بين الموبقات والكبائر وأنا لا أقرب ابدا للكبائر ودائما أحاول الابتعاد عنها ، وبحب ألبس لبس فاشون وبعمل خير كتير للناس قد يمحو الله لي السيئات بالاضافة اني بقرأ كتير في الدين وبصلي متواصل ومش بسيب فرض دون اداءه ودا من زمان بقالي أكتر من عشرين سنة علي دا الحال ، وفي النهاية الحاجات دي تعتبر من الموبقات مش الكبائر لأني مش بعمل سحر ولا قذف المحصنات ولا بأكل مال اليتيم والربا وربنا هيسامحني ان شاء الله .

لكل مقام مقال رد غادة إبراهيم علي التعليق على لبسها

وقد أضافت غادة إبراهيم متحدثة عن ملابسها: لكل مقام مقال وانا لما أدخل مكان مجمع بلبس محتشم، وانا مقدرش أقول الحجاب مش فرض، وربنا يهديني ويسامحني وممكن الفترة الجاية أقرب أكتر من ربنا وربنا يعيني علي دا .

وقالت ايضا : لما اتجوزت جوزي قال لي حبيبتي أنا وضعي حساس ومختلف مفيش بوس لزمايلك ولا لبس أوفر، قلت له طبعًا يا حبيبي أنا يهمني أرضيك أنت لأن رضا الزوج من رضا الرب، ولما زمايلي جم يسلموا عليا قلتلهم انا عندي برد وواحد منهم تنمر عليا وقال لي يعني أنت دلوقتي مش بقيتي بتبوسي، وبعد ما انفصلنا رجعت تاني لوضعي ، لأن أنا يهمني رضا جوزى فقط .

السبب وراء اثارة غادة إبراهيم للجدل

و قد اشارت غادة إبراهيم عن سبب إثارتها للجدل قائلة: إن الكاريزما من عند ربنا، وأنا مثيرة للجدل من عند ربنا ودا فضل من ربنا عليا ، لأن في ناس حطاني في دماغها وناس حباني والناس عاوزة تعرف غادة فين وبتعمل إيه لأني عندي مصداقية وصراحة مش فيك واللي في قلبي بقوله علي طول .

غادة إبراهيم الناس المنفسنة كثيرة

كما أضافت غادة إبراهيم: يعني انا بقالي 20 سنة في الوسط محدش سمع عني وان التنمر قد حصل في السنوات الأخيرة لأن نجمي طلع وبقيت لذيذة ومعروفة وبطلع في المهرجانات وبعمل أعمال عربية داخل وخارج مصر، وفي حيزبونات ومنفسنين مني ، وعندي أعداء كثيرة من الوسط الفني والإعلامي ومن كل حتة في العالم .