كل واحد حر يقول اللي يقوله العوضي يكشف عن رأيه في تحريم الفن ومصطلح السينما النظيفة

كشف الفنان أحمد العوضي، عن رأيه في تحريم الفن، خاصة أنه بين الحين والآخر تثار فكرة حرمانية الفن، حيث أكد العوضي أنه لا يمكنه تحريم الفن وفي نفس الوقت لا يمكن القول بأنه ليس حرام، حيث أنه سلاح ذو حدين في رأيه ، ويمكن للممثل تشكيله كيفما يريد الممثل أو العمل الفني ؛ إما أن يكون حلالًا أو حرامًا بحسب الرسالة التي يوجهها للجمهور والطريقة التي تم تصوير العمل بها .

العوضي يكشف عن رأيه في تحريم الفن

وعن رأي العوضي في فكرة أو الفن حرام قال : بالنسبة للناس اللي بتقول الفن حرام، كل واحد حر يقول اللي يقوله، بس أنا عن نفسي شايف إن الفن مش حرام مطلق، أصل الممثل ده مش بيبيع منكر .

وأضاف عن إمكانية أن يكون الفن حرام أو حلال بحسب الممثل حيث قال : شايف إن الممثل بإيده يخلي الفن حرام أو مش حرام، وده عمومًا في كل الشغلانات، الصحافي والدكتور ممكن يخلي شغلانته حرام أو مش حرام، لكن فيه شغلانات هي فعلا حرام مهما حاولت تجملها .

العوضي يتحدث عن متى يكون الفن حرام

وتحدث العوضي على أن الفن من الممكن أن يكون حرام، حيث قال : الفن يكون حرام لما تقدم حاجة مش صح والشباب تقلدك فيها، تخليهم يروحوا في اتجاه غلط، الفن بيكون نوع من الترفيه، مع إضافة موعظة فيه، لكن مش إن يكون العمل كله مواعظ، لأني لو عايز أوعي الجمهور بشكل كامل أروح أعمل برنامج أحسن .

العوضي يكشف عن رأيه في مصطلح السينما النظيفة

وكشف العوضي عن رأيه في مصطلح السينما النظيفة، حيث أكد العوضي أنه يؤمن بهذا المصطلح لأنه من المهم تقديم أعمال سينمائية للجمهور، غير خادشة للحياء.

وقال العوضي في هذا الإطار : أنا مؤمن إن في حاجة اسمها سينما نظيفة، لأن إيه المشكلة إني أعمل فيلم من غير ما أخدش حياء المشاهد، بس في ناس بتطلع تقول إن السينما سينما ومفيش حاجة اسمها سينما نظيفة، وإن لو مش عاجبك السينما بكل حالتها يبقى سيب الشغلانة، لأ مش هسيبها، وهفضل مقتنع بالمصطلح ده .

وأضاف : لو مفيش سينما نظيفة يبقى مش هيكون في فرق بين السينما بتاعتنا وبين سينما المنصات العالمية، اللي بتشجع على موضوعات أنا محبش ابني أو أخويا الصغير يتفرج عليها .

وتابع حديثه : السينما النظيفة بتشمل موضوعات كتيرة ومتنوعة، زي الأكشن والدراما والكوميديا، وإني أطلع أعمل أكشن وأضرب حد زي في مسلسلاتي مثلاً، ده مفيهوش حاجة غلط لأني لم أسئ للذوق العام .

واختتم حديثه قائلًا: المشاهد بيشوف بالفعل، في الشارع ناس بتضرب بعض، وأفلام الأكشن موجودة من أيام ما اتوجدت السينما، ولما أقول أحلى على الأحلى ده لا تسيء للذوق العام في حاجة .

و كشف العوضي عن خطته في موسم رمضان 2024، حيث قرر الانفصال فنيًا عن زوجته الفنانة ياسمين عبد العزيز، وأن العمل الذي سيشارك به سيحمل الطابع الشعبي، مبينًا أن انفصاله عن زوجته لا يعني انفصاله عنها فنيًا للأبد، ولكنهما ينتظران أن يجمعهما عمل جيد أعمالهما السابقة.