مش هتصدق السبب عميد معهد القلب كلوا الفول والطعمية دول نعمة

كشف الدكتور جمال شعبان، عميد معهد القلب السابق، عن فوائد تناول الطعمية و الفول، قائلا : الطعمية و الفول نعمة من عند ربنا يا رب احفظها من الزوال، لأن الفول غني بالبروتين الألياف، الحديد، فيتامين بي.

فوائد الطعمية والفول

وأضاف شعبان، عبر حسابه الرسمي على موقع التواصل الاجتماعي الفيسبوك،: الفول مهم للوقاية من مرض السكر ، حيث إنه يحتوي علي نسبة بروتين نباتي عالية جداً ، و فيه نسبة ألياف عالية جداً و فيه نقطة مهمة جداً بينشط هرمونات الجهاز الهضمي و بينشط الأنسولين و بينشط 3 هرمونات شبع هرمون اسمه جي إل بي 1 و احنا بنستخدمه دلوقتي في علاج السكر، وهرمون تاني واسمه بي واي واي و ده هرمون مهم جداً لقفل الشهية، و هرمون تالت اسمه اميلين.

الفول مهم للوقاية من جلطات القلب

وتابع: الفول مهم للوقاية من جلطات القلب وتصلب الشرايين ويخفض الكولسترول، والألياف الموجودة في الفول ومضادات الأكسدة تقي من السرطان، وأيضا الوقاية من وعلاج التهابات الأعصاب، والوقاية من وعلاج الأنيميا.

الطريقة الصحيحة لعمل الفول والطعمية

وأكمل: إضافة زيت الزيتون الطازج والبيض والليمون والكمون تزيد من فوائد الفول هتقول لي بيرفع مستوي يوريك اسيد وبيعمل نقرس هاقول لك( قال تعالي: كلو واشربوا ولا تسرفوا) هتقول لي عندي حساسية منه هاقول لك حظك بقي، شوف البدايل زي اللوبيا والفاصوليا والحبوب الكاملة .