كدا عيب أبو جبل يفضح المتسبب في تسديده ركلة الجزاء الضائعة أمام الكونغو مش هتصدق مين هو

صدم محمد أبو جبل حارس مرمى البنك الأهلي ومنتخب مصر، الجماهير عن تسديده لركلة الجزاء الضائعة خلال مباراة منتخب مصر والكونغو الديمقراطية بأمم إفريقيا، قائلا : اللى حصل إن مكنش إني في الترتيب ده أسدد ركلة الجزاء، معقبا: كابتن المنتخب أحمد حجازي هو من قام بالإشارة لي للعب الركلة دون ترتيب مسبق بيني وبينه بتسديد ركلة الجزاء وقت المباراة وما كان عليا غير تنفيذ التعليمات .

أسرار وراء خسارة المنتخب أمام الكونغو

وأكمل أبو جبل خلال تصريحات تليفزيونية، حديثه بالقول: أنا بعتذر لكل الناس على إضاعة ركلة الجزاء كنا نفسنا نحقق الأفضل مع المنتخب ، معززا من دور الشناوي بالقول : الشناوي جون كبير، الشناوي جون النادي الأهلي وخلال المعسكرات في السنين اللى فاتت دي كلها محصلش بيني وبين الشناوي أي خلاف أو اعتراض ، مضيفا : الشناوي موجود معايا في المنتخب بقالنا فترة طويلة مع بعض في المنتخب من 2019 .

أبو جبل : بكن للشناوي كل احترام

وتابع : أنا مفيش أي خلافات بيني وبين الشناوي خالص الشناوي جون كبير جون محترم بكن له كل الاحترام وأنا جون معاه في نفس المنتخب وتعاملنا مع بعض كويس جدا ومفيش أي حاجة حصلت ومفيش أي خلاف حصل ولأى كلام من اللى على السوشيال ميديا إنه ده حصل، مستكملا: الشناوي لما اتصاب أنا نزلت أديت الدور وصبحي لما نزل أدى الدور أي حد موجود هيأدي الدور وهيأديه أحسن مننا كمان .

أبو جبل : هناك موافقة مبدأيه لانتقالي للأهلي

وأردف حارس مرمى البنك الأهلي ومنتخب مصر، : عيب نخوض في ذمم أشخاص محترمين، بتمثل منتخب مصر، وده حابب أوضحه وده في سمعتي وأسماء لاعيبة في المنتخب، ومفيش حد فينا يقدر يكره التاني وده التحالف اللى كان موجود في المنتخب، مواصلا حديثه : كما حابب أوضح حاجة للجماهير أنا لم يحدث أي تواصل بيني وبين النادي الأهلي في معسكر منتخب مصر، وبكن له كل الاحترام والتقديم .

وأنهى حارس مرمى البنك الأهلي ومنتخب مصر تصريحاته بالقول : حدث مكاملة بيني وبين رئيس البنك الأهلي، قال لي حدث تواصل مع الأهلي بشأني وأبدوا موافقة مبدأيه لانتقالي للأهلي، وهى كل اللى حصل جس نبض فقط، مختتما : مش زي ما بيقولوا أي فرد من اللاعبية او أي فرد من بعثة المنتخب تواصل معي للانتقال للنادي الأهلي، ولو كان ده حصل نادي البنك الأهلي أيضا لم يتواصل معي وده عرفته بعد ما رجعت .