قصيدة الشاعر محمد فتحي .. مجدى يعقوب مش بتاع مظاهر
الشاعر محمد فتحى يكتب ... مجدى يعقوب مش بتاع مظاهر
مجدى يعقوب مش بتاع مظاهر
ده حتت ملاك برئ و قلبه طاهر
قلبه كبير كله خير بيحب الغير
اللى جواه هو هو اللى ظاهر
قصيدة الشاعر محمد فتحي .. مجدى يعقوب مش بتاع مظاهر
لا ليه فى مال ولا ليه فى تكويش
لا بيعرف يكنز ولا بتاع تحويش
عايش حياته و دنيته لخدمته
أكتر من كده حقيقى مفيش
رغم علمه و رغم مكانته
عمر قناعته ما خانته
نفسه غنية قوية عفية
عمرها ما خابت و هانته
قصيدة الشاعر محمد فتحي .. مجدى يعقوب مش بتاع مظاهر
عايش حياته مش ليه
عايش لكل اللى حواليه
مهما حكيت عنه
هحكى أيه أنا ولا أيه
حياته لخدمته دايما متعاشه
لا بتاع كاميرا ولا بتاع شاشه
عايش متواضع زاهد بسيط
مع أنه قادر يعيشها باشا
عايش يداوى فى القلوب
واخدها شمال و جنوب
ده أول ما تسأل عنه
تلاقيه دايما محبوب
مجدى يعقوب مثال للأنسانية
لا يعرف طمع ولا يعرف أنانية
ليل و نهار عمال يداوى و يخدم
مش مستنى غير الأجور الربانية
قصيدة الشاعر محمد فتحي .. مجدى يعقوب مش بتاع مظاهر
مجدى يعقوب مصرى أصيل
راجل أبن بلد شارب م النيل
لا عمره باع أبدا فى بلده
ولا عمر كان له غيرها بديل
ربنا يبارك صحتك
ربنا يبارك خدمتك
ربنا يحفظ عمرك
تكمل طريقك و سكتك
كلمات .. الشاعر محمد فتحى