واقعة صفع محمد رمضان فى الساحل الشمالي
صاحب واقعة صفع محمد رمضان فى الساحل يخرج عن صمته ويتحدث عن اعتذار الفنان له
خرج الشاب كريم شلبي صاحب واقعة صفع الفنان محمد رمضان فى الساحل الشمالي عن صمته وتحدث لأول مرة عن تقديم الفنان محمد رمضان اعتذار له ولأسرته.
وكشف "كريم" عبر فيديو قام بنشره على صفحته الشخصية علي موقع الفيسبوك قال به : شكرا لكل شخص قال كلمة حلوة ودافع عني وأضاف : أنا أعترفت بخطأي لأن الاعتراف بـ الحق فضيلة، وتابع : أنا مطلعتش أتكلم فى أي قناة ولا في فيديو لاني مش عايز أطلع تريند زي ما ناس كتير بتقول، لان انا الحمد الله شبعان وعيني مليانة ومش محتاج أكون تريند.
وأضاف صاحب واقعة صفع الفنان محمد رمضان: اعتذار الفنان على رأسي بس كنت عايز أقول حاجة أن فى ناس بتتولد صغيرة وبتكبر .. وفى ناس بتتولد صغيرة وبتفضل بردة صغيرة.
وتابع "كريم" موجها حديثه للفنان محمد رمضان: أنا كنت طالع الساحل اتبسط ومش هاتكلم فى حوار أنك قولت أنك طيرت النضارة والكاب بسبب القلم واستكمل : بس ابقى تقل أيديك شوية وإن كانت ايدي الشمال نموسة فايدي اليمين مرزبة وأنا مارضتش أعمل فيك محضر عشان العفو عند المقدرة.
اعتذار الفنان محمد رمضان
وقد حرص الفنان محمد رمضان، على الاعتذار للشاب "كريم" الذي قام بصفعه في مراسي، بالساحل الشمالي وأكد الفنان علي أنه لم يستطيع أن يتمالك أعصابه حين أخطأ الشاب في اسمه، خاصة وأنه قام بتكرر ما فعله مرتين.
ونشر الفنان فيديو عبر حسابه الرسمي علي إنستجرام، وقال فيه: "جمهوري العادل العزيز والأصيل والغالي، ألف شكر وربنا مايحرمنيش منكم، أنا قريت وسمعت قد إيه انتوا دافعتوا عني وغلطتم الولد الصغير.
وتابع محمد رمضان قائلا:أنا عامل الفيديو دة علشان أعتذر لأهل الولد إن إيدي اتمدت عليه وتابع : أنا عارف إن هو عيل صغير، ولما غلط أول مرة شيلتله الكاب من على راسه، لاقيته صغير وقولت له اسمك إيه يا حبيبي.
وتابع الفنان رمضان عن تلك اللحظة التي قام فيها بصفع الشاب "كريم": لكن لما الولد غلط تاني متمالكتش نفسي، وقمت ضربته قلم صغير خلى الكاب يطير من على راسه واخدت تليفونه ومسحت له الفيديو، ولو هنعتبر الناموسة وقفت على خدي قلم أنا أستاهل خمسة من الناموسة، لأن أنا مديت إيدي على ولد صغير.
واستكمل النجم محمد رمضان قائلا : وديه لا بطولة ولا رجولة، وتابع : وكان حد قالي أكسر له التليفون لكن أنا قولت له لأ هو غلط طيب أهله ذنبهم إيه يغرموا تليفون ، ودي الغلطة اللي أنا طالع علشان أعتذر عنها.