الإعلامية ريهام سعيد
جرحتني ومش عايزة أكلمها تاني .. ريهام سعيد تكشف تفاصيل خلافها مع عبير صبري
قامت الإعلامية ريهام سعيد بالهجوم علي الفنانة عبير صبري وجاء ذلك بعد موقف حدث بينهما دفع "سعيد" لأن تقول إنها لا ترغب في التحدث معها ثانية، وكشفت الإعلامية خلال لقائها مع إي تي بالعربي عن نجمات وقفن معها في أزمتها الأخيرة عقب اتهامها لطبيب تجميل لبناني بتشويه وجهها وظهورها بشكل مختلف، وما فعلته معها الفنانة عبير صبري.
ريهام سعيد : كسبت أصحاب من الأزمة
وكشفت الإعلامية أنها كسبت أصحاب من الأزمة دي فنانين قائلة: مكنش ليا علاقة بيهم ودلوقتي بقوا أصحابي جدا، كلهم عندهم خلق .. وتابعت "ريهام سعيد" قائلة : يعني علشان أجيب نمرة حد أنا معرفهوش وأكلمه وأسانده مرة واتنين وتلاتة، وأبعتله رقم دكتور ديه ناس كويسة أوي.
وأضافت "سعيد" : يعني ريهام عبد الغفور كنت أعرفها لكن مش قريبين زي دلوقتي ست محترمة .. ملاك، ورضوى الشربيني حاولت تشوف دكتور ليا ويمكن لما آخر مرة ودتني وعرفت أن مفيش حل بطلت تتواصل وريهام حجاج.
وتابعت الإعلامية ريهام سعيد قائلة : بقابل ناس كتير بيشجعوني وبيقولوا ليا إنتي قمر، مفيش غير واحدة بس هي اللي جرحتني جرح فظيع ومش المفروض أقول اسمها لان إحنا أصحاب وكمان اشتغلنا مع بعض، قابلتني وضايقتني أوي، كنت رايحة حفلة على البحر وشوفتها وأنا الوحيدة اللي كنت حاطة مكياج، وقالتلي "ما إنتي كويسة أهو .. إنتي دراما كوين بتحبي تعملي دراما"، وسبت الحفلة وركبت عربيتي وقعدت أعيط.
ريهام سعيد : إن تقل خيرا أو لتصمت
وأكملت الإعلامية ريهام سعيد قائلة: أنا كنت عايزة أقولها لو تعرفي كم الألم اللي أنا فيه وإنتي بتحافظي على نفسك ووشك أوي، والواحدة دي هي "عبير صبري" أنا بقول اسمها علشان مش عايزة أكلمها تاني، أة مش من واجب حد أنه يقف جنبي لأن مفيش حاجة يقدروا يعملوها لكن إن تقل خيرا أو لتصمت لو مش قادرة أدعمك ماقولش إنتي دراما كوين، أنا عملت دراما قبل كده في إيه أنا اتسجنت ومطلعتش أعيط لكم بعدها ,, أتوقفت سنـه ورجعت أقوى من الأول ,, اتظلمت في حاجات أوي وأنا عمري ما فتحت الموضوع فين بقا دراما كوين؟.
ريهام سعيد تعتذر لجمهورها
وفي سياق أخر ، قدمت الإعلامية ريهام سعيد اعتذارا لجمهورها عن استضافتها لعدد من مشاهير موقع التيك توك، وأشارت إلى أن هذا الخطأ يقع على الإعداد.
وأوضحت عبر حسابها علي الفيسبوك أنها لم تدخل على موقع التيك توك ولا تعرف ما يحدث فيه وأنها تعتذر لجمهورها علي استضافتها ولو حتي لواحد منهم، وتابعت قائلة :عتابي علي الإعداد، فما تلك الجولات والفيديوهات على التيك توك التي تحتوي علي ألفاظ وإيحاءت .
- الإعلامية ريهام سعيد
- ريهام عبد الغفور
- عبير صبري
- ريهام حجاج
- رضوى الشربيني
- ريهام سعيد
- ريهام سعيد وعبير صبري
- أزمة ريهام سعيد وعبير صبري
