الكون ده له رب.. قصيدة من الشاعر محمد فتحي العاشق لـ المسيحية والمحب للوحدة الوطنية والسلام
كتب شاعرنا الكبير العاشق للسلام بين الأديان السماوية، وما ينادي دائما في قصائده بالوحدة الوطنية بين المصريين، وتجنب الشقاق، قصيدة بعنوان "الكون دة له رب" وكالعادة يضع فيها كل ما في داخله من مشاعر المحبة، والمودة للبشر جميعهم دون التمييز بين أديانهم، وأعراقهم، وجدير بالذكر أن محمد فتحي كتب أكثر من ترنيمة، تم تلحينها، وغنائها من مرنمين كبار، وأثبت أن الفن لا يميز بين مسيحي ومسلم، وأن المحبة تجمع الجميع في طياته، ليتعاونون على عمل يؤلف بين قلوب المصريين ويظهر أن أهل مصر في رباط إلى يوم القيامة.
قصيدة محمد فتحي "الكون دة له رب"
الشاعر محمد فتحى يكتب ... الكون ده ليه رب.
هتعمل أيه يا أبن أدم
هو أنت بأيدك حاجة
ده لو معاك كل العالم
برضو ملكش حاجة
الكون ده ليه رب
هو اللى بيديره
كل سهل و صعب
هو حاطط مقاديره
عمره ما حمل كتاف
أبدا فوق طاقتها
أحماله دايما خفاف
مهما كانت قوتها
اللى يبنيه ربنا بأيده
صعب يهده أى أنسان
دايما ظابط مواعيده
فى الوقت و المكان
كل اللى مطلوب مننا
حبة صبر بلا أستعجال
هنلاقي فى لحظة أننا
من حال لأحسن حال
لو رضينا بالمقسوم
هنلاقى فيه الخير
الحال مش بيدوم
مهما كان التأخير
ربنا ليه ترتيبات
متجيبهاش عقولنا
هو عارف الأوقات
الأفضل دايما لنا
الرضا شئ مطلوب
مهما كانت الظروف
مهو كل شئ مكتوب
متسجل على الرفوف
