حمام محشي بالفريك مش هتنسو طعمه
هذا الموضوع خاص لموقع الحق والضلال
كتبت ليليان بولس
الحمام من الاكلات الجميله جدا لدرجه ان فيه ناس بتقولك انا من كتر مابحب الحمام انا باكله بعضمه مابسبش فيه حاجه تعالو نعمل مع بعض حمام النهارده
المكونات :
حمام
فريك
شوربه فراخ او شوربه حمام قديمه شيلاها عندك
ملح وفلفل
طريقه الطهي :
اهم خطوه دايما هي ازاي ننضف الحاجات دي عشان مانحسش باي طعم مش مرغوب فيه حتي الحمام مهم جدا الخطوه الاولي دي هتفرق في طعمه هنرش عليه دقيق وملح وفلفل ورشه خل وندعكه في الحمام كويس وفي بطن الحمام ونسيبه من نص ساعه لساعه بعدرين نشطفه بالميه
نيجي للفريك لااااازم يتغسل الاول وبعدين لو عندك شوربه شايلاها من قبل كدا بيبقا تحفه تسخنيها وتنقعيه فيها بدل الميه لو مفيش انقعيه في ميه سخنه حوالي ربع ساعه بعد كدا صفيه وفي طاسه علي النار مع معلقه سمن شوحيه وشويه ملح وفلفل بسيط واحشي بيه الحمام بتاعك وكتفي رجل الحمام كويس وفي ميه سخنه اغليه وضيفي علي الميه بصل وملح وفلفل وورق لورا ودايما خلي بالك من الملح حطي بنسب بسيطه في كل حاجه عشان ما يملحش وكمان الملح دا يعتبر من السموم البيضاء يستوي الحمام وحمريه في الفرن علي الشوايه او في طاسه وبالهنا والشفا