عمرو مصطفى يطالب المصريين بالوقوف بجانب السيسى لإنقاذ مصر

شن الفنان والملحن الموسيقى "عمرو مصطفى" هجوما حادا على كل من شمت فى مصر بعد قرار الرئيس الروسى "فلاديمير بوتين" بتعليق الرحلات الرسمية إلى شرم الشيخ، مطالبا بالتعاون والوقوف يد بيد بجانب الرئيس "عبد الفتاح السيسى" للمرور من تلك الأزمة، مدشنًا حملة بإطفاء النور لمدة ساعة كمبادرة أولى لمساعدتها.

وكتب "مصطفى" فى تدوينة له عبر صفحته الشخصية بموقع التواصل الاجتماعى "فيس بوك": "اللعبة بدأت تضييق اقتصادي
حادثة الطيارة !! والله وأعلم مين اللي عملها في نفس الوقت عودة الشياطين على التواصل الاجتماعي باسم، البرادعي، وائل غنيم، بلال فضل، أسماء محفوظ تويتات ومقالات وبعض وسائل اعلام تعمل ضد الدولة واحنا بقا بنقول لهم كلهم: "على جثتنا".

وأضاف: "مش آسف لو البوست ده ممكن يزعل حد مني اتفلق حتى لو كان أعز الاصدقاء اختلف وعارض . اكره النظام الرئيس الحكومة . لكن تشمت في بلدك وتتمنى لها الخراب فانت إنسان خسيس بقولهالك في وشك علشان يمكن مش واخد بالك".

وتابع : "صف ياوطني صفي ياوطنية يالا كلنا مع بعض مع القائد الزعيم المصري عبد الفتاح السيسي .يالا ايد في ايد قلب مع قلب ضهر في ضهر يالا علشان ننقذ مصر ونحافظ عليها وننتصر لها وبها واللي النهاردة مش معانا عمره ما حيكون معانا .
الخونة قوادين الأوطان يمتنعون".

كما أطلق "مصطفى" مبادرة فى حب مصر فقال: "مبادرة في حب مصر لمساعدة مصر واثبات دعمنا يوم الاثنين القادم كلنا نطفئ النور لمدة ساعة في نفس الوقت من ٧ الى ٨ مساء حنوفر للبلد ملايين من الدولارات ساعة واحدة بس كلنا مع بعض ونثبتها كل يوم اتنين ونثبت فيها حبنا للبلد".

عمرو مصطفى يطالب المصريين بالوقوف بجانب "السيسى" لإنقاذ مصر من أزمتها

عمرو مصطفى يطالب المصريين بالوقوف بجانب "السيسى" لإنقاذ مصر من أزمتها

عمرو مصطفى يطالب المصريين بالوقوف بجانب "السيسى" لإنقاذ مصر من أزمتها