سبيط فاهيتا سهل ولذيذ وميزته انه سريع

هذا الموضوع خاص لموقع الحق والضلال

كتبت ليليان بولس

نوع الاكله : رئيسيه

فنني في مطبخك وجددي من اكلاتك وجربي السبيط الفاهيتا اللذيذ وسريع ومضمون ميه في الميه

المكونات :

نص كيلو سبيط مقطع اصابع

طماطم مخليه مقطعه جوليان

بصله كبيره جوليان

فلفل الوان جوليان

3 فصوص توم حلقات رفيعه

ملح وفلفل

طريقه الطهي :

اغسلي السبيط او الكاليماري بالميه وصفيه واعصري عليه لمونه وسبيها نص ساعه واشطفيها عشان تشيل الزفر زي ما عاودناكم اهم خطوه هنا انه يتصفي تماما من الميه ما يبقاش فيه ولا ذره ميه وبعدين بتجيبي طاسه تيفال علي اعلي عين نار عندك علي البوتاجاز وتسبيها تسخن جدا بعدبن رشي رشه زيت خفبفه حوالي معلقه كبيره وحركي الطاسه عشان تقلبي الزيت جواها كلها بعدين تحطي السبيط جواها المتنشف كويس وتسيبي النار علي اعلي حاجه وتحركي الطاسه ترجي السبيط اللي جواها وترشيه بشويه فلفل اسمر وتستني عليه شويه هتلاقيه بيطلع مايته استني عليه لحد ما يشرب الميه دي اول ما الميه تقرب تنشف ويشربها خلي النار متوسطه و تنزلي عليه البصل وطبعا تكوني راشه علي البصل شويه ملح وتقلبي وبعدها الفلفل والطماطم والتوم وماترشيش اي ملح نهائي علي السبيط رشي بس رشه خفيفه علي البصل والفلفل والطماطم وقلبي فيهم لحد ما تلاقي السبيط اتحمر كدا والخضار دبل شويه كدا خلاص اطفي عليه وقدميه وبالهنا والشفا :*:*