سر قرمشه وطعامه السبيط المقلي والجمبري المقلي ولا المحترفين

هذا الموضوع خاص لموقع الحق والضلال

كتبت ليليان بولس

هتتعلمي ازاي تعملي سبيط مقلي او كاليماري او جمبري بطريقه سهله جدا وهيطلع طعمه خطيييير والطريقه دي بعد ما جربت طرق كتيره جدا لقيت دي اسهلهم وافضلهم يعني مضمونه ميه في الميه

المكونات:

نص كيلو سبيط مقطع اصابع

نص كيلو جمبري مقشر وممكن تحتفظي بالراس والديل

هنحضر دول للتتبيله

توم وكمون وملح ولمون رباعي كدا مايسبش بعض ابدا

راس توم ونص معلقه صغيره كمون ولمونتين لمونه لكل نوع

طريقه الطهي من مطبخ موقع الحق والضلال

نبتدي بالسبيط تغسليه كويس بالميه وتصفيه بمصفي من ميته وبعدين تعصري عليا لمونه وسبيها عشر دقايق بيشيل زفاره وتشطفيه وتصفيه كويس من الميه وماتحطيش اي ملح نهائي عليه عشان السبيط الوحيد اللي لو اتحط عليه ولو ذره ملح بيملح جداا , تجيبي التوم المفروم وتحطي عليه ذره ملح حاجه كدا علي طرف المعلقه وربع معلقه كمون ونص لمونه وممكن شويه كركم عشان يديلو لون دهبي ومش هيأثر علي طعمه بالمره وتخلطيهم مع السبيط وتغطيه وتسبيه يشرب من تتبيلته دي اقل وقت نص ساعه والجمبري نفس الخطوات بالظبط بس ممكن تزودي الملح شويه عن السبيط وتسبيه نص ساعه

نيجي بقا لأهم خطوه وهي عند القلي لازم يكون زيت غزير يغطي السبيط او الجمبري ويكون سخن جدا تستنيه لما يسخن جدا وبتنفضي السبيط او الجمبري من التتبيله بتاعته بايدك وتقلبيه في دقيق وممكن تتبلي الدقيق بشويه فلفل اسود ورشه توم بودره او لا اللي يريحك انا بعمله برشه فلفل خفيفه وبس وبجيب دقيق دره اصفر وهمي مع البحريات تدحرجيهم في الدقيق وتنفضيه من الدقيق وتنزليه في الزيت السخن جدا بالنسبه للسبيط مايقعدش اكتر من دقيقتين الاربع بالظبط عشان ما يبقاش زي الكوتش لو طول اما الجمبري لحد ما تلاقي لونه دهبي ممكن 3 او 4 دقايق وتطلعيهم بمصفي من الزيت وصفيه كويه من الزيت وكلي بالهنا والشفا انتي واسرتك :*:*