جربي طريقه احلي سمك سنجاري يبهرك ويبهر اسرتك وضيوفك

هذل الموضوع خاص لموقع الحق والضلال

كتبت ليليان بولس

نوع الاكله : طبق رئيسي

للسمك فوائد كتيره جدا بتمد الجسم بالفيتامينات والمعادن زي اليود والكالسيوم والفسفور عشان كدا السمك مهم في حياتنا تعالو واتعرفو معانا علي مكونات وطريقه عمل السمك السنجاري وهتدمنيها لانها متجربه مني كتير واي موضوع لينا هنا بنكتبه بعد ما بنكون جربناه ومضمون ميه في الميه من مطبخ موقع الحق والضلال

المكونات :

1 كيلو سمك بلطي او بوري او قشر بياض او اي نوع سمك تفضلوه مقطع سنجاري

2 لمونه

1 بصله كبيره مقطعه مكعبات

5 فصوص توم

1 حبه طماطم كبيره منزوعه القلب مقطعه مكعبات

1 جزر كبيره مقطعه مكعبات

3 حبات من الفلفل الالوان واحد من كل نوع مقطع مكعبات

ملح وفلفل وزيت زيتون وكسبره ناشفه وكمون وجنزبيل بودره حسب الرغبه

طريقه الطهي:

بتطلبو من بتاع السمك انه يقطع السمك سنجاري او ممكن تعملوه كدا في البيت , بتقطيع السمكه من سلسه الضهر وتقص بطول السمكه وتنضفي اللي جواها بعدين تتغسل كويس جدا بالميه وتعسري عليها نص لمونه وتشطفيها بعد عشر دقايق عشان تشيل الزفر , بعد كدا تتنشف كويس وتترش بشويه ملح صغيرين ورشه زيت زيتون خفيف وتسبوها علي جنب ونروح نحضر الحشوه اللي هتطعمها وتشرب السمكه من حلاوه تتبيلتها

في طاسه علي النار فيها معلقه زيت تحطي البصل المكعبات وتقلبي والتوم الشرايح واستني دقيقه بعدها حطي الجزر والفلفل الالوان كله مقطع مكعبات والطماطم اخر حاجه اول ما يدبل كدا اطفيه واعصري عيهم لمونه ورشه ملح وكسبره وفلفل وجنزبيل بودره مش كتير ربع معلقه صغيره من كل نوع كدا الحشوه جهزت تفرديها علي السمكه بتاعتكاللي ركنها علي جنب وتحطيه في الفرن علي 180 بياخد حوالي نص ساعه ويبقا جاهز

هتاكلو وتدعولي وبالف هنا يارب