سمك مقلي بلمسه بسيطه مختلفه هتخليكي تحبيه اكتر
هذا الموضوع خاص لموقع الحق والضلال
كتبت ليليان بولس
نوع الاكله طبق رئيسي
الموضوع دا عن السمك المقلي بس هنضيف حاجه بسيطه مختلفه تغير من شكله وتقرمش في طعمه تعالو شوفو معانا هنعمل ايه
المكونات:
سمك
ملح
توم
كمون
لمون
معلقه زيت زتون
وزيت يفضل يكون عباد للقلي صحي جدا
جرجير
طريقه الطهي :
بتغسلي السمك كويس بالميه وتنضفيه وبعدين ترشي في بطنه من جوا رشه ملح وعليه عصره لمونه وسيبيه من عشر دقايق لنص ساعه وبعدين اشطفيه تتبليه عادي جدا بالتوم المفروم وعليه ملح وكمون ونص لمونه ومعلقه زيت الزيتون وسبيه من ساعه لاكتر عند القلي اقلي بزيت سخن غزير واستخدمي دقيق الذره الاصفر بدل من الدقيق العادي هيديلك اللون الدهبي الجميل وقرمشه لذيذه وممكن تخلطي شويه نشا مع الدقيق عشان مايشربش زيت كتير بعد ما تقلبي السمكه في الدقيق وتنزلي الدقيق الزايد منها سبيها حوالي عشر دقايق لما ميه السمك تتطلع علي الدقيق من برا وتحسي ان السمكه مبلوله شويه نزليها بعد كدا في الزيت السخن هتديكي قرمشه جميله طلعيعها وصفيها من الزيت ورسيها علي الجرجير وصحتين وهنا