مكرونه بالسي فود والصوص الابيض مفيش اطعم من كدا

هذا الموضوع خاص لموقع الحق والضلال

كتبت ليليان بولس

نوع الاكله : طبق رئيسي

ناس كتيره جدا بتحب المكرونه يالوايت صوص وبيفتكرو انها صعبه تعالو شوفو الطريقه دي معايا وانتو هتعملوها علي طول من جمالها وسهولتها

المكونات:

مكرونه اسباجيتي او فوتوتشيني او اي نوع مكرونه مفضل عندكم

جمبري متوسط مقشر

سبيط مقطع مكعبات

سمك فيليه مكعبات

كريمه لباني

ملح وفلفل

طريقه الطهي:

في حله من اي نوع سخني ميه واول ماتسخن ضيفي شويه زيت وملح وبعدين سقطي المكرونه فيها وسبيها لحد ما تستوي خرجيها وصفيها بمصفي واغسليها بميه من الحنفيه عشان ماتعجنش واثناء ما المكرونه بتستوي نحضر احنا السي فود بتاعنا ، نجيب اي اناء تيفال وفيه معلقه زيت صغيره علي معلقه سمنه صغيره ونحط السبيط وبعد مايشرب ميته ضيفي الجمبري وفي الاخر السمك وقلبي بالراحه عشان السمك مايتهريش رشي عليهم رشه ملح وفلفل واول ما تحسي انهم اتحمرو ولوتهم غير كدا نزلي عليهم الكريمه اللباني وقلبي وقبل ما تغلي اطفيها عشان ماتبوظش منك وتفصل كدا الطبق بقا جاهز اغرفي المكرونه في طبق رحطي من فوق السي فود وقدميها وبالهنا والشفا