نفسنا احيانا بتروح للفراخ المشويه بتاعه برا طب ماتيجي نجرب الطريقه دي وهناكلها دايما من البيت

هذا الموضوع خاص لموقع الحق والضلال

كتبت ليليان بولس

احيانا بنحب نغير من الشكل التقليدي للاكل عشان كدا تعالي واعملي الفرخه المشويه اللي في الفرن دي طعمها بيبقا تحفهوفي ايدينا كلنا

المكونات :

فرخه بيضا متوسطه الحجم (2 كيلو فما اقل ) ملحوظه هذا الوزن قبل الدبح وتنظيفها

للتتبيله :

زبادي

ملح وفلفل

بصل مبشور ناعم

طماطم مبشوره

معلقه مسترده ومعلقه مايونيز

بشره خفيفه جدا من جوزه الطيب

طريقه الطهي:

بتخلطي كل المكونات علي بعض وتتبلي بيها الفرخه من برا ومن تحت الجلد واعملي فتحات في الفرخه بالسكين خصوصا في سدرها عشان تشرب من التتبيله وتستوي كويس , وحلو جدا لو اتبلت من الليل وتاخد وقتها في التتبيله بعدين نزلي التتبيله اللي عليها بايدك وحطيها في سيخ شوايه الفرن او لو معندكيش ممكن تحطي قزازه كوكاكولا زجاج او فيه حاجه بتتباع في محلات ادوات المطبخ استانلس كدا وبتدخلي بطن الفرخه جواها او اي حاجه ممكن تثبتي عليها الفرخه توقفيها عليها كدا وتشغلي الفرن علي 220 وتسبيها تستوي بتطلع فظيعه في الطعم وبالهنا والشفا