مكرونه بالصوص الابيض وشرايح الفراخ هتدوبي في طعمها

هذا الموضوع خاص لموقع الحق والضلال

كتبت ليليان بولس

لو زهقانه من الاكل وعاوزه تعملي حاجه كدا علي السريع وطعمها جميل ومختلف جربي المكرونه دي واللي مطاعم كتيره جدا بتعملها وفي ناس بتقول عليها فوتوتشيني بس الحقيقه فوتوتشيني دي هي نوع مكرونه شبه الاسباجيتي بس علي اعرض شويه منها تعالو معانا وشوفو المكرونه الجميله دي انا بعملها دايما وجميله

وكل وصفاتي انا ببقا مجربها يعني مضمونه ميه في الميه

المكونات:

مكرونه اسباجيتي او فوتوتشيني او مكرونه قلم

كريمه لباني

سمنه

دقيق

فراخ بانيه مقطع شرايح بالطول

بصله صغيره مقطعه شرائح بالطول

ملح وفلفل

طريقه العمل :

تسلقي المكرونه عادي خالص بالطريقه المعتاده وبعد ما تتسلق وتصفيها رشيها بشويه ميه من الحنفيه عشان ماتعجنش منك

في اناء تيفال شوحي البصل اول ما يدبل شويه نزلي عليه الفراخ الشرايح وملح وفلفل وشوحي لحد ما يستوي وعلي فكره مش بياخد وقت وسبيه علي ناحيه تانيه حضري الصوص هتجيبي معلقه سمنه كبيره مش اوي

ونزلي فيها فصين توم مهروسين وقلبي كام ثانيه وبعدين نزلي عليه معلقه دقيق صغيره وقلبي اول ما الدقيق يصفر وريحته تطلع نزلي عليه الكريمه اللباني واحده واحده لحد ما يبقي ما يبقي سلس وخفيف شويه بعدين نزلي فيها قطع الفراخ اللي شوحتيها وكدا تبقا الاكله جاهزه قدمي المكرونه في طبق وعليها الصوص الابيض بالفراخ وكدا طبقك جاهز بالهنا والشفا