طريقه عمل كبده بانيه وكيفيه التخلص من السموم الموجوده بها
هذا الموضوع خاص لموقع الحق والضلال
كتبت ليليان بولس
الكبده البانيه اكله جميله وسريعه وبتنفع جدا في السندوتشات
المكونات :
نص كيلو كبده
ميه بصل (مفضل جدا في القلي عن البصل )
4 فصوص توم
ملح وفلفل
كمون
عصير ليمونه
بهارات حسب الرغبه
رده ومعلقه دقيق كبيره
الطريقه :
قبل اي شيئ الكبده ماينفعش تتغسل لانها لو اتغسلت انتي بكدا ضيعتي قيمتها وكمان بتزودي ظفارتها فانتي بتجبيها من جزار مضمون وبتقطعيها علي سطح خشبي نضيف وبعدين انقعيها في لبن عشان تتخلصي من كل السموم اللي فيها لمده نص ساعه ل ساعه وبعد كدا صفيها وحطيلها جميع المكونات السابقه ماعدا الرده والدقيق وتسبيها في التلاجه تتبل من ساعه لاكتر او من باليل ودا بيكون افضل وماتحطيش خل عشان قيمتها ماتروحش بعد ما تتبل خرجيها من التتبيله بدون شطف بالماء وحطيها في الرده المخلوطه بمعلقه الدقيق من الجانبين وحمريها في زيت مخلوط بمعلقه سمنه عشان تتطعمه وبالف هنا وشفا يارب