جددي من طعم الفراخ اللي متعوده عليها وجربي طريقه الفراخ بالروز ميري في الفرن معانا
هذا الموضوع خاص لموقع الحق والضلال
كتبت ليليان بولس
المكونات:
فرخه كامله سليمه
ربع معلقه صغيره روز ميري مطحون
ربع معلقه صغيره زعتر
بصله
2 فص توم
معلقه كبيره خل
نصف معلقه صغيره بابريكا
مكعب زبده واحده (ليجعلها مقرمشه )
حبه واحده من الطماطم
ملح وفلفل
معلقه كبيره زيت زيتون
معلقه صغيره عسل نحل
معلقه بصل بودره
دبس رمان ان وجد (لاعطائها لون خارجي احمر )
الطريقه :
احضري الفرخه كامله بعد غسلها جيدا بالخل والملح والدقيق افصلي بأديكي بالراحه بين اللحم والجلد وبعدين نحضر التتبيله , حطي البصله والطماطم اولا وافرميهم وبعدين حطي باقي المكونات كلها وبكدا عملنا معجون التتبيله تبلي بيها الفرخه من برا ومن جوا وتحت الجلد كويس جدا وحضري صنيه عميقه اللي هتحطي فيها الفرخه وادهنيها من تتبيلتك دي وحطي الفرخه عليها بعد ما اتبلت وسبيهم نص ساعه يشربو من التتبيله وبعدين غطيها بورق فويل وماتخليش الفويل يلمسها عشان صحتك وخلي الناحيه الغير لامعه هي اللي من جوا ناحيه الاكل وممكن تضيفي بطاطس من جوا عشان تبقا وجبه كامله ودخليها في الفرن علي 180 لمده من نص ساعه ل ساعه الاربع وبعدين لو استوت شيلي الفويل وعلي الحراره علي 220 لمده عشر دقايق عشان تقرمش وتحمر من برا وبالهنا والشفا