كيكه الشيكولاته هتحضريها بنفسك في البيت وطعمها هيبقي احلي واغني من اي مكان ممكن تجبيها منه

هذا الموضوع خاص لموقع الحق والضلال

كتبت ليليان بولس

المقادير :

2 كوب دقيق

3 بيضات بدرجه حراره الغرفه

فانيليا

كوب و ثلثي كوب من السكر

كبايه زبده طريه

1 ونصف ملعقه صغيره بيكنج صودا

ثلثي كوب كاكاو خام

ثلث كوب ماء ساخن

ربه ملعقه بيكنج باودر

طريقه العمل :

اول خطوه بنخلط الزبده مع السكر كتير جدا بالمضرب الكهربائي لحد ما لونها يفتح كدا ولغايه ما دول يتخلطو نجهز الحاجات الجافه معانا نخلط الكاكاو مع الدقيق وبعد ما يدخلو في بعض نعمل حفره في النص ونحط البيكنج صودا والبيكنج باودر ونخلطه بشكل دائري مته للنص نرجع لخليط الزبده والسكر وهو شغال علي المضرب نضيف البيض واحده واحده ونستني كام ثانيه بين كل واحده والتانيه بعدهم نضيف الفانليا وبعدها نضيف الدقيق علي مرتين بعد ما يتخلط الدقيق نضيف الماء الساخنونتاكد ان الخليط كله تجانس بشكل جيد نحطهم في صنيه مدهونه ومطبطنه بدقيق وعلي حراره 180 وتكون الفرن متولعه من قبلها ب تلت ساعه والصنيه دي بتاخد وقت من 25 الي 40 دقيقه اهم حاجه ماتفتحيش الفرن قبل 20 او 25 دقيقه عشان ماتبوظش منك وممكن تضيفي عليها صوص شيكولاته يطعمها اكتر (بتسيحي شيكولاته في حمام ميه ) وبالهنا والشفا