لعشاق الكنافه والشيكولاته طريقه عمل الكنافه بالنوتيلا

هذا الموضوع خاص لموقع الحق والضلال

كتبت ليليان بولس

استمتعي بوقتك مع اسرتك بطعام لذيذ وشهي ومميز

المقادير :

نص كيلو كنافه

100 جرام زبده

كوب من شيكولاته نوتيلا

مقادير شربات السكر :

كوب ماء

كوب ونص سكر او 2 كوب حسب الرغبه

2 ملعقه صغيره ماء زهر

2 ملعقه صغيره عصير ليمون

طريقه التحضير :

حضري الشربات الاول , اخلطي السكر مع الميه في في اناء وارفعيه علي النار واول ما يغلي احسبي عشر دقايق وان طلع اي رغوه شليها بالمعلقه وبعدين ضيفي عصير الليمون وسيبي كمان عشر دقايق بعد ما القوام يتقل اطفي وحطي ماء الزهر وسبيها علي جنب

نيجي للكنافه : فككيها من بعضها كويس وسيحي الزبده ورشيها فوق الكنافه وقلبيهم كويس لحد ما تتأكدي ان الكنافه شربت الزبده كويس واقسمي كميه الكنافه لنصين , ادهني صنيه الفرن بزبده قليله وضيفي النص الاول من كميه الكنافه في الصنيه واضغطي بايدك عشان تتاكدي انها اتساوت

كرري نفس العمليه في صنيه تانيه في نفس حجم الصنيه الاولي بالنص التاني من الكنافه ودخليهم الفرن علي 220 وبتكوني مسخناها اصلا قبلها بعشر دقايق واول ما يبقا لونها دهبي خرجيهم وحطي عليهم الشربات البارد وفي كاس التقديم حطي جزء من الكنافه الاولي وطبقه نوتيلا وغطيها بالجزء التاني من الكنافه وبالهنا والشفا