قداسه البابا تواضروس ..السلبيه لاتبني وطنا

خاص لموقع الحق والضلال

كتبت كريستي اندرو

دعا قداسة البابا تواضروس الثاني جموع المصريين للمشاركة الفعالة بالتصويت في الانتخابات البرلمانية التي تجري فعاليات المرحلة الثانية منها حاليا ، مؤكدا على أن السلبية لا تبني وطنا جاء ذلك عقب ادلائه بصوته في الانتخابات البرلمانيه الحاليه وايكم نص الحديث
المذيعة : احنا معانا البابا تواضروس الثاني من داخل مدرسة السرايات الاعدادية . أهلاً بحضرتك
قداسة البابا: أهلاً بيكي
المذيعة : حضرتك انطباعك إيه وأنت جاي تنتخب وتشارك في الانتخابات ؟
قداسة البابا: انطباعي كويس خالص ونأمل إنه يبقي فيه برلمان قوي ويكون برلمان فعال ويكمل خارطة الطريق.
المذيعة: حضرتك شايف الدعاية الانتخابية كانت كافية الناس إن تنزل وتشارك وتختار علي أي أساس ؟
قداسة البابا : اعتقد أنها كافية يعني والناس كلها مهتمة بهذا الأمر.
المذيعة : انطباع حضرتك بالنسبة للتأمين في الشارع من جانب الجيش والشرطة ، حضرتك ليك رؤية عامة
قداسة البابا: مافيش تأمين أحسن من كده الله يعوضهم يعني تعبانين في خدمتنا.
المذيعة : كلمة أخيرة من حضرتك للشعب المصري أنه هو ينزل ويشارك في العملية الأنتخابية
قداسة البابا: طبعا أنا بأشجع كل المصريين سواء في مصر أو في الخارج والخارج طبعا انتخب من يومين لكن بأشجع الكل علي المشاركة لأن وجود برلمان قوي يدل علي كفاءات جيدة بلا شك في تقدم مصر و أسماء كتير من المرشحين أسماء جيدة وعايزة تخدم البلد والكل يتطلع لمستقبل مشرق و أحنا في انتظار هذا االمستقبل .
المذيعة: كلمة حضرتك للمقاطعين للأنتخابات.
قداسة البابا: اقولهم أنتوا الخسرانين بتخسروا وبتخسروا الوطن
المذيعة : شايف الشباب حضرتك ليهم دور أنهم يشاركوا في الوطن
قداسة البابا: طبعا الشباب يشارك والمفترض أنه يجتهدوا ودايما السلبية لا تأتي بثمر دايما الايجابية هي التي تأتي بثمر فالمشاركة أن أقف وأتفرج مافيش أي نوع من الحركة للأمام مجرد إن أنا أشارك وأعبر عن رأيي سواء بالقبول أو بالرفض هي دي الإيجابية اللي ممكن تبني الوطن ، فالسلبية لا يمكن أن تبني الوطن.
المذيعة : شكراً لحضرتك