صنيه بطاطس باللحمه الضاني هتاكلي صوابعك وراها

كتب :

صنيه بطاطس باللحمه الضاني هتاكلي صوابعك وراها
Email : answer@christian-dogma.com - راسلنا

هذا الموضوع خاص لموقع الحق والضلال

كتبت ليليان بولس

اكلات كدا من اللي يحبها قلبك وتملي البطن وطعمها جميل هي صنيه البطاطس باللحمه الضاني ومتخافيش لو مش بتحبي الضاني احنا هنعلمك ازاي تعمليه وماتحسيش باي زفر للحمه

المكونات : (من موقع الحق والضلال )

لحمه ضاني كيلو او نص

بطاطس شرايح

طماطم شرايح

بصل شرايح

ملح وفلفل

طريقه الطهي :

نبتدي باللحمه الاول لانها هتاخد وقت شويه تجيبي اللحمه تغسليها كويس بالميه وبعدين ترشي عليها رشه دقيق ورشه ملح وفلفل اسود وخل وتدعكي فيها وسبيها ساعه في الخلطه دي هتنضفها جدا وتشيل منها ريحه الزفر وبعدبن بصله صغيره مفرومه مع معلقه سمنه ومعلقه زيت علي النار وشوحي اول ما تدبل شويه وقبل ما تصفر نزلي اللحمه بعد ماتكوني شطفتيها بالميه من الخل والدقيق وشوحيها حوالي خمس دقايق وبعدين انزلي عليها بطماطم مضروبه في الخلاط وملح وفلفل وسبيها علي النار ووطي النار بعد ما تاخد غلوه عشان تستوي براحتها وماتفقدش قيمتها الغذائيه قبل ماتستوي بنص ساعه اطفي عليها ,

هتجيبي صنيه بايركس او اي صنيه عندك ورصي فيها راق بطاطس ورشه ملح بفلفل بسيطه وعليها راق بصل ورشه ملح بفلفل بسيطه وراق طماطم وبرضو رشه ملح بفلفل بسيطه وهكذا لحد ماتخلص الكميه اللي عند ومن فوق نزلي اللحمه بالصوص الاحمر اللي اطبخت فيه عليهم واظبطي ملحك عشان مايملحش منك وبعدين دخليها في الفرن علي 180 ممكن تاخد من نص ساعه ل ساعه الا ربع وبالهنا والشفا

Email : answer@christian-dogma.com - Email Us