أول رد فعل لأحمد التباع بعد تشبيهه بتمثال الأديب عباس العقاد

في أول رد فعل لأحمد التباع بعد تشبيهه بتمثال الأديب عباس العقاد، قال التباع في تصريح خاص لـ"دوت مصر": "أنا مشفتش التمثال لكن اتضايقت أوي إنهم زعلانين إن التمثال شبهي".

وأضاف التباع: "وفيها إيه يعني لما يطلع التمثال شبهي، هو أحمد التباع مش بني آدم، أنا راجل وناش أد الدنيا، ومطلع من تحت إيدي سواقين كبار، وأنا اللي بنيت الجامعة الأمريكية اللي في التجمع الخامس، وعيب تغلطوا في أحمد التباع".

وكلف محافظ أسوان، اللواء مصطفى يسرى، الفنان التشكيلي رجب سيد، بإعادة ترميم التمثال مرة أخرى، بعد الهجوم والسخرية الذي تعرض لها التمثال بعد عملية ترميمه الأولى.