محشي كوسه وبتنجان بشوربه اللحمه وجددي بسلطه محشي الخيار معاه

كتب :

محشي كوسه وبتنجان بشوربه اللحمه وجددي بسلطه محشي الخيار معاه
Email : answer@christian-dogma.com - راسلنا

هذا الموضوع خاص لموقع الحق والضلال

كتبت ليليان بولس

المحشي هو عشق كل المصريين من تره للتانيه بنجب نعمله وبتبقي اكله ماتتنسيش تعالي شوفي معانا احنا بنعمله ازاي

المكونات :

كوسه

بتنجان

رز

بصل

خضره (بقدونس , شبت , كسبره )

ربع كيلو لحمه مفرومه

ملح وفلفل

شوربه لحمه

للسلطه :

خيار منزوع منه البذور في الداخل

جبنه قريش

نعناع مجفف

ملح وفلفل

طريقه الطهي :

نحضر لحشوه المحشي نجيب بصل مفروم ونحطه علي النار مع معلقه سمنه ومعلقه زيت ونشوحه واول ما يصفر ننزل عليه بالحمه المفرومه ونقلب لحد ما اللحمه تستوي ومننساش ملح وفلفل اول مانحط اللحمه علي البصل وبعدين نضيف الطماطم الضروبه في الخلاط او المبشوره عليهم وسبيهم شويه بعد ما يتسبكو شويه اطفي عليهم وبعد ما تطفي نزلي الرز المغسول وقلبي والنار مطفيه استني كدا حوالي عشر دقايق لحد ما يبرد شويه وبعدين انزلي بالخضره بتاعتك وحطي من الشبت عود واحد كفايه او عودين بالكتير كدا الحشوه جاهزه احشي الكوسه والبتنجان ورصيهم واقفين جوه حله وياسلام لو هتعملي لحمه معاهم ممكن تشوحيها وهي نيه كام دقيقه كدا وترصيها في قعر الحله وفوقها المحشي هيشرب منها المحشي وبيبقا طعمها تحفه او لو هتسلقي اللحمه لوحدها وخدي منها شوربتها وازقي بيها المحشي ويدوب يبقا عند نص المحشي كدا الشوربه عشان مايتهريش وبعد ما يستوي رشي عليه حبه نعناع ناشف هيديله ريحه وطعم تحفه .

اما سلطه محشي الخيار :

هتقوري الخيار زي الكوسه بالظبط وتظبطي الحشوه بتاعته عباره عن جبنه قريش ومعاها معلقه زيت زيتون وملح وفلفل ونص معلقه صغيره نعناع مجفف اخلطيهم مع بعض واحشي بيهم الخياره وبالف هنا وشفا

Email : answer@christian-dogma.com - Email Us