سامح أبو عرايس أبو تريكة «ماسوني».. وهو سبب خسارة الزمالك من الطلائع

كتب :

سامح أبو عرايس أبو تريكة  ماسوني    وهو سبب خسارة الزمالك من الطلائع
Email : answer@christian-dogma.com - راسلنا
كشف سامح أبو عرايس، مؤسس حركة أبناء مبارك والمنسق السابق لحملة عمر سليمان رئيسًا، عن أسباب خسارة الزمالك بثلاثة أهداف مقابل إثنين، أمام طلائع الجيش، مساء أمس الأحد؛ مرجعًا ذلك إلى سحر لاعب الأهلي السابق، النجم محمد أبو تريكة. وكتب أبو عرايس، عبر حسابه الشخصي بموقع التواصل الاجتماعي فيسبوك ، ممكن جدًا تكون خسارة الزمالك الليلة بسبب سحر عمله أبو تريكة لهم، هو إنتم فاكرين أبو تريكة مجرد لاعب، هو إخواني ماسوني وكانوا بيسموه (الساحر) و(الماجيكو) من (الماجيك) اللي هو السحر، علشان يرمزوا لعمله بالسحر زي كتير من الماسونيين . وأضاف: علشان كده شركة فودافون الماسونية بتخليه يعمل إعلاناتها وكان بيقول في الإعلان، ممكن تبقى إنت الساحر الجديد، يعني دعوة للناس للانضمام للماسونية وتعلم السحر، كما أن شركة فودافون معروف إن إعلاناتها بتحمل رموز ماسونية وآخرها إعلان (المارد الأحمر) اللي هو الشيطان، حيث يظهر المارد يقود باقي الشياطين لعمل أنظمة جديدة وتقديم عروض للمشتركين . وتابع: الماسونيين يعبدون الشيطان وبيسموه لوسيفر، يعني الإعلان كان عن خدمة الشياطين للماسونيين، فعادي أن يكون الماسونيين ومنهم أبو تريكة عملوا سحر للزمالك علشان يخسر، خصوصًا أن الزمالك رئيسه رجل وطني هو مرتضى منصور، وأن الراعي الرئيسي للزمالك هو (عبور لاند) يعني بيرمز للعبور اللي هي حرب أكتوبر، فأكيد الماسونيين مش هيحبوا الزمالك . واستكمل: عمومًا الإله (حورس) تدخل وجعل الخسارة تكون من طلائع الجيش علشان يرسل رسالة للماسونيين، والإله (ست) إله الشر اللي هو الشيطان اللي بيعبدوه، إنهم حتى لما حاولوا يوقعوا الرئيس مبارك اللي هو رمز عبور مصر ونصر أكتوبر فالبديل سيكون الجيش، ومصر لن تسقط في شباك الماسونية، علشان كده خسر الزمالك اللي بيرعاه (عبور لاند) من طلائع الجيش اللي بيرمز للجيش . واختتم: ‘نه السحر والماسونية وصراع إله الخير (حورس) مع إله الشر (ست) وسينتصر إله الخير في النهاية .
Email : answer@christian-dogma.com - Email Us