أبو عرايس الزمالك خسر من الجيش بسبب «سحر أبوتريكة»

أبو عرايس الزمالك خسر من الجيش بسبب  سحر أبوتريكة
Email : answer@christian-dogma.com - راسلنا
أرجع سامح أبو عرايس، مؤسس حركة أبناء مبارك، خسارة نادي الزمالك أمام طلائع الجيش، أمس الأحد، إلى وجود سحر قام بعمله لاعب نادي الأهلي السابق محمد أبو تركة، متهمًا الماجيكو بـ الماسوني الإخواني ، وأيضًا شركة فوادفون بالماسونية.

وكتب أبو عرايس تدوينة على فيس بوك: "ممكن جدا تكون خسارة الزمالك من طلائع الجيش بسبب سحر عمله أبوتريكة لهم، هو أنتم فاكرين أبوتريكة مجرد لاعب؟ هو إخواني ماسوني، وكانوا بيسموه الساحر والماجيكو من الماجيك اللي هو السحر علشان يرمزوا لعمله بالسحر زي كتير من الماسونيين .

وقال أبو عرايس: علشان كده شركة فودافون الماسونية بتخليه يعمل إعلاناتها وكان بيقول في الإعلان "ممكن تبقى انت الساحر الجديد" يعني دعوة للناس للانضمام للماسونية وتعلم السحر. وشركة فودافون معروف أنها إعلاناتها بتحمل رموز ماسونية وىخرها إعلان المارد الأحمر اللي هو الشيطان وبيظهر المارد بيقود باقي الشياطين لعمل أنظمة جديدة وتقديم عروض للمشتركين .

وذكر في تدوينته: لأن الماسونيين يعبدون الشيطان وبيسموه لوسيفر، يعني الإعلان كان عن خدمة الشياطين للماسونيين. فعادي أن يكون الماسونيين ومنهم أبوتريكة عملوا سحر للزمالك علشان يخسر، خصوصًا أن الزمالك رئيسه رجل وطني .

وتابع: الراعي الرئيسي للزمالك هو عبور لاند يعني بيرمز للعبور اللي هي حرب أكتوبر فأكيد الماسونيين مش هيحبوا الزمالك، بس عمومًا الإله حورس تدخل وجعل الخسارة تكون من طلائع الجيش علشان يرسل رسالة للماسونيين، والإله ست إله الشر اللي هو الشيطان اللي بيعبدوه أنهم حتى لما حاولوا يوقعوا الرئيس مبارك اللي هو رمز عبور مصر ونصر أكتوبر، فالبديل سيكون الجيش ومصر لن تسقط في شباك الماسونية، علشان كده خسر الزمالك اللي بيرعاه "عبور" لاند من طلائع الجيش اللي بيرمز للجيش. أنه السحر والماسونية وصراع إله الخير حورس مع إله الشر ست وسينتصر حورس إله الخير في النهاية .

Email : answer@christian-dogma.com - Email Us