عمرو أديب ساخرًا من الموظفين بحق الآلهة في حاجة كده بالدنيا
سخر الإعلامي عمرو أديب من قصة شاب ذهب لمنزل موظفة للحصول على الباسبور وبعض الأوراق الخاصة به، بعد أن أخذتها معها.
قال "أديب"، خلال برنامجه "القاهرة اليوم"، "سيبكوا إنها خدت الباسبور والورق معها البيت وإنها تسيب الشغل بدري الحاجات دي لازم نتغاضى عنها في مصر، بحق الآلهة في حاجة كده في الدنيا، أي نظام إداري بيحصل كده في الدنيا".
وتابع "بيقولوا عملنا قانون الخدمة المدنية، وقالوا إن كل موظف هياخد باله من أدائه، الموظفين مبهدلين البلد وجايبنها ورا".
وأضاف، "أول امبارح كنت بشتري بسبوسة، جالي شاب شكله لطيف ولابس شيك سلم عليا، وقالي أنا معايا دكتوراه ومرضيوش يشغلوني في الحكومة واشتغلت هنا، وأنا بقول للشباب يا جماعة أوعى حد يشتغل في الحكومة الورق بيخلص بطلوع الروح، اتحدى أي حد بيروح مصلحة يمشى حاجة من غير مأساة".