بالصور.. أبرز طرائف الطلبة داخل لجان الامتحانات December 23, 2015, 3 23 pm

بالصور   أبرز طرائف الطلبة داخل لجان الامتحانات December 23  2015  3 23 pm
Email : answer@christian-dogma.com - راسلنا
أيام قليلة تفصلنا عن بدء الامتحانات بالجامعات، وتسود حالة من التوتر بين الطلاب؛ نظرا لمحاولتهم تحصيل أكبر قدر من المعلومات الدراسية، ولكن يبدو أن شدة الضغط تولد الضحك ، خاصة داخل لجنة الامتحان في ظل تشديد المراقبين، وهو ما يتسبب في حدوث مواقف طريفة تظل عالقة في أذهان الطلاب.

ورصدت عدسة "فيتو" أكثر المواقف طرافة التي حدثت مع الطلاب داخل لجان الامتحانات.

مزنوق في اللجنة
وفي هذا السياق، قال محمود فتحي كنت في الامتحان وعايز أعمل حمام فطلبت من المراقب الذهاب إلى دورة المياه، وقال لي ممنوع، وفضلنا نزعق شوية أنا وهو، وقال لي استنى هنادى لمدير اللجان ومن حظي تطلع الدكتور عزة، وهي تزعق وأنا أزعق أقول لها هعملها في قلب اللجنة والناس كلها تضحك، وتزعق وأنا أزعق، وآخر ما زهقت سبتها وروحت على الحمام، وهي تنده عليا، وتقول لي خد يا كابتن تعالى هنا وأنا منفض وكل اللجان عمالة تضحك عليا .

بينما قال إبراهيم محمد أقسم بالله معايا واحد في اللجنة كل امتحان ينادي على المعيد أو إللي بيراقب علينا ويروح جاى مثلا في سؤال زي ما هو مفهوم الإدارة؟، يفضل يسأل ويستعبط ويقول له طب هو عايز مفهوم الإدارة عموما ولا أشرح له يعني أيه الإدارة، فواحد من المعيدين إللي بيراقبوا عرف أنه رخم، قال له أنا معايا دبلوم ماعرفش .


شهداء الثورة
بينما استغل أحد الطلاب شهداء ثورة ٢٥ يناير، في محاولة للغش واستعطاف المراقب، وفي هذا السياق قال خالد علي واحد صاحبنا بيزاول المراقب في اللجنة فقال له أنا أبويا من شهداء الثورة ومعايا تصريح أني أغش، والمشكلة أن المراقب كان على وشك أنه يصدقه .

وقال خالد السعدنىي كنت قاعد في اللجنة وأنا لا بحب أغش ولا أغشش غير لما أخلص، المهم واحد صاحبي من عندنا في المحافظة لقيته بيسلم عليا، سلمت عليه ولقيت معاه واحدة قريبته، المهم قال لي حنان معاك بقى مش عايزها تحتاج حاجة، فقلت له عيب ولا يهمك، بس بصراحة البت كانت عسل جدا في كل حاجة، وفجأة لقيتها طلعت لبان من الشنطة، وقالت لي خد المهم الورق جاه، وبدأنا نحل وهي من أول اللجنة قول لي دي وقل لي دي وماشي معاها، في الحل واحدة بواحدة، وكان فيه سؤال في الآخر أنا مش عارفه، راحت هي قالت لي أنا عارفة، طب قولي لي، قالت لي ثواني راحت حلت السؤال ومشيت من غير ما تقول لي الإجابة .

وتابع خالد قائلًا: طبعا بصرف النظر عن أني شتمتها وزعلت، وقلت خيرًا تعمل شرا تلقى، طلعت برا ولقيتها مستنياني بتقول لي أنت نموذج كام؟ قولتلها (أ)، راحت مصرخة بصوت عالي، بقولها ليه؟، قالت لي أصل الامتحان نموذجين، قلت لها وأنتي نموذج كام؟، قالت لي (ب)، روحت بصوت عالي قولت يااااااا فرجك يا رب .


بغير
وأضافت إسراء محمد قائلة: كنت قاعدة في اللجنة ومش عارفة سؤال، هزيت إللي قدامي بالقلم قعد يضحك ويقول لي بغير، والمراقبة قعدت تضحك علينا .

Email : answer@christian-dogma.com - Email Us