جربتي طاجن محشي ورق العنب بالكوارع قبل كدا لو مجربتيش تعالي هنا وشوفيه معانا

مختصر المقالة :

المقالة كاملة بالاسفل

تسجيل دخول login

جربتي طاجن محشي ورق العنب بالكوارع قبل كدا لو مجربتيش تعالي هنا وشوفيه معانا

November 6, 2015, 10:05 pm
كتب
جربتي طاجن محشي ورق العنب بالكوارع قبل كدا لو مجربتيش تعالي هنا وشوفيه معانا

شارك الموضوع


هذا الموضوع خاص لموقع الحق والضلال

كتبت ليليان بولس

المحشي وجمال المحشي وياسلام لما تعمليه بالكوارع الله , جوزك هيدعيلك تعالو وشوفو المكونات بتاعتنا ايه

المكونات :

كوارع

ورق عنب

رز

لحمه مفرومه

بصل

ملح وفلفل

طماطم مبشوره

طريقه الطهي :

الاول احضر الكوارع , بجيب الكوارع واغسلها بالميه وبعدين امسكها حته حته قدام النار واشيط الشعر الرفيع اللي فيها واجي بسكينه مش حاده واقشط مكان الشعر اللي شيطته دا عشان مايدنيش ريحه شياط في الاكل واعمل كدا لحد ما اخلصهم كلهم وبعدين اغسلهم واحده واحده كويس اوي بالميه واتبلهم بدقيق وملح وخل وفلفل اسود عشان يشيل منهم اي ريحه زفره واسيبه حوالي ساعه , بعد كدا اشطفهم كويس بالميه واغلي ميه واحطهم فيها تاخد غلوه واحده واطفيها وادلق الميه واحطم في ميه تانيه نضيفه سخنه , الخطوه اللي فاتت دي بنقول عيها بنفوره مره عشان نقضي علي اي ريحه فيه زفره خلاص بقا في المره التانيه احط ملح وفلفل وبصله مقطعه علي اربعه وورق لورا دول اساسي واي توابل بعد كدا مفضله عندك بس انا في كل اكلي مابحبش احط توابل كتير عشان احس بطعم الاكل وبس كدا تستني لحد ما تستوي وماتكتريش الميه عشان ناخد منها شوربه حلوه وغنيه طلعي الكوارع اخليها من العضم وحطيها في الطاجن اول حاجه او الحله لو مفيش طاجن وبعد كدا اعملي محشي ورق العنب زي ما قولنا طريقه المحشي قبل كدا ورسيه فوق الكوارع وانزلي عليهم بشوربه الكوارع وعليها رشه جنزبيل بسيطه ورشه جوزه الطيب بسيطه اوي وكام نقطه لمون وخلي مستوي الشوربه عندك في نص الحله او الطاجن وسويها علي نار هاديه وبالهنا والشفا


احصل عليه من Google Play تحميل تطبيق الحق والضلال من علي app store احصل عليه من Google Play تحميل تطبيق الحق والضلال من google play