(كتبت روجي فادي لموقع الحق والضلال)

استفز شخص غير مسيحي جميع الاقباط بعد نشرة صورة لقداسة البابا تواضروس الثاني بابا الإسكندرية وبطريرك الكرازة المرقسية قبل وبعد رسامته علي جروب متضامنين مع ابراهيم عيسي علي موقع التواصل الاجتماعي فيسبوك وعلق عليها قائلا: ياحووول العالم لما توعد اعضاء حملتك انك هتعينهم بعد الفوز.

فانهتلت عليه التعليقات : ليه هو سيدنا حمل حمله انتخابيه ؟؟؟ ودول كانوا بيساعدوه ويعمل له يفط وكدا ؟؟ انت فاهم غلط اكيد البابا مش بيرشح نفسه اصلا ، هو ليه الناس بترد بزعل وعنف الناس مش فاهمه أن البابا بيتم اختياره بالقرعه الهيكليه وهو مش بيرشح نفسه ولا بيدخل انتخابات ولا ليستفيد اي حاجه من البابويه غير شيل المسئوليه والتعب والخدمة ولو رجعت ليوم التنصيب هاتشوف كميه الدموع للبابا من رهبه المسئوليه أمام الله.

وعلق اخر: غير مقبول التهكم والسخرية من رموز كنيستنا القبطيه البابا مش بيخوض معركه انتخابيه ولا بيفوز بالتزكية انتوا بقيتوا صفحه تافهه كل مهمتها إثارة الفتن لا يشرفني الانضمام ليها نظرا لانكم فقدكم هدف الرئيسى الذى بدأتكم من أجله.

واخر: انت فاهم غلط دى مش انتخابات وحمالات انتخابيه دى اسمها قرعه مقدسه وربنا هو بيختار ودى مسؤوليه مش سهله علشان حد يجرى عليها ولا هيحصل على فلوس ولا حصانه علشان يجرى عليها انت بس قول ربنا يعينه على خدمته المجانيه لله والشخص الي يكتب حاجه مش فاهمها ولا يعرفها اما مريض نفسي او مريض نفسي ودة بوست يستحق المحاكمة لما فيه من جهل وتهكم ونشر فتنة بين الاقباط.