تطرق الرئيس عبد الفتاح السيسي، خلال خلال فعاليات افتتاح مجموعة مشروعات إسكان بديل المناطق غير الآمنة، إلى قضية التأمينات وأصحاب المعاشات.





وقال السيسي:"ربنا جعلني مسئول عن البلد دى كرب أسرة ورب الأسرة ينفق ومسئول أمام الله عن كل شيء، وليس مسئول للحفاظ على مكانه، بل مسئول عن الناس وكل ما يعملهم كل ما ياخد أجر كويس والعكس هما يومين هنقعدهم على وش الدنيا دي وبعدها كل واحد هيقابل ربنا، وأنا زي غيري هقابله، وأتمني أنه يكون لقاء طيب مع سبحانه".

وأضاف :"رب الأسرة دائما ما يتناول الأموال التي معه، ولكن أفكركم إننا شركاء مع بعضنا البعض، وأنا منكم وإنتوا مني، ولازم احطكم في الصورة، ولازم نشوف مع بعض كويس، مش أنا بس أو الحكومة اللى شايفين".

وتابع :"فيه قضايا أنتم متسمعوش عنها مثل قضية التأمين والمعاشات، وكان دايما كل شوية الناس تطلع تقول حقنا وفلوسنا اللى خدتها البلد وهذا بسبب إجراء اتعمل سواء صح أو خطأ جعل الدولة تدفع لهم ولكن المعاش في كل الدنيا، يكون بعد العمل لمدة زمنية واستقطاع أموال من الراتب، تدخل هذه الأموال في صناديق يتم استثماراها، وتعود بعوائد، وحينما يخرج الموظف للمعاش يأخذ مستحقاته بشكل شهري، وفى مصر كان مبنى على الراتب الأساسى وأصحاب المهن تعطي جزء ضئيل من هذه الأرقام، وفى النهاية الرقم بتاع المعاش، ميخليش الناس تعيش والدراسات القديمة اتعملت كانت على أعمار متوسطها ارتفع مع الوقت نتيجة التطور في الرعاية الصحية، ولم يكن مدرجًا بالدراسات، والدولة تحركت لحل تلك القضية والمبلغ اللى كان موجود 150 مليار لكل سنة وقولنا نحسم القضية والدكتور مصطفى مدبولى بيقولى هندفع هذا العام 180 مليار جنيه من موازنة الدولة لأصحاب المعاشات، بواقع 9 مليون مستحق للمعاش نتيجة إن الموضوع أهدر وهي مش كتير عشان ما أظلمش ناس كتير ولما لقينا المشكلة تشكلت أمامنا بهذا الحجم قولنا نتصدى ونخلص الموضوع ده حتى 2052 هنفضل عاملين الرقم ده حتى 2052، والمطلوب الآن في الدراسات التنبه لهذه القضية حتى لا تتكرر في الأجيال القادمة موازنة الدولة ستتحمل 180 مليار جنيه سنويا لمدة 30 عامًا مقبلة لحسم قضية المعاشات".
الله محبة