ردت الفنانة الجميلة لقاء الخميسي رد ناري علي احد المعلقين علي منشور لها لقيامة بتكفر المسيحيين واهاناتهم وقالت من خلال حسابها الشخصي علي موقع التواصل الاجتماعي فيسبوك :بس بس بس اسكتوا شويه بطلو قلة ادب والفاظ وتجريح
وتكفير يابني ادمين هو الله ولاكم خليفة ليه في الارض !!! بس كفايه جهل كفاية احكام كفاية تعنت.

واضافت لقاء: كل واحد مش عاجبه البوست يخرج فورا من صفحتي ومالوش الحق يعلق عندی انا صحابی مسیحيین اتربيت معاهم وكلت معاهم عيش وملح وماسمحش بالتجريح قبل ماتفتح بؤك بالتكفير والوقاحة اقرا اقرا اقرا وفكر وشغل عقلك احنا كمسلمین تعدادنا في العالم كله لايزيد عن ۳۳% بقيت الناس كلها كافره وهاتدخل النار.

وتابعت: وسيادتك بالفاظك الكريهة وكرهك وحقدك وغضبك هاتدخل الجنة !! ماحدش ليه الحق يهين اصدقائي المسيحين اوآیا کانت ملتهم او جنسيتهم الامراض دي مش مقبوله إطلاقا كفاية بقى.

وكانت الفنانة حنان ترك اثارت الجدل من قبل بعد تصريحاتها عن الاحتفال بالكريسماس وشراء شجرة الكريسماس والملابس الخاصه به وقالت من خلال حسابها الشخصي علي موقع التواصل الاجتماعي فيسبوك: بلاش تشتروا ملابس تخص الاحتفال بالكريسماس وبلاش تتصوروا جنب الشجرة ياجماعة هذة تقاليد ضد ديننا وعقيدتنا ونالت هجوم شديد من الفنانين والاقباط.