تصدرت الفنانة كارولين عزمي تريند مواقع التواصل الاجتماعي بعد ان خطفت الانظار في مسلسل ابو العروسة، فهى تجيد شخصية هاجر ، التي تُقدمها كارولين ، وهي الابنة الصغرى الدلوعة للفنان سيد رجب والفنانة سوسن بدر.
وكانت قد تعرضت الفنانة كارولين عزمي للتحرش وحكت تفاصيل ماحدث معها، عبر حسابها الشخصي على إنستجرام عن تعرضها لحادث تحرش أثناء قيادة سيارتها، ليصبح البحث
وعلقت كارولين على الفيديو قائلة: أنا اللي يعرفني أو متابعني عارف اني شخص مالوش في المشاكل ولا عمري شاركت مشكلة تخصني على سوشيال ميديا. باختصار النهاردة كنت في عربيتي وجنبي عربية فيها واحد كسر عليا كل اللي عملتوا انا بصتله وبصيت قدامي ف لقيته بيكرر نفس الحركة تانى باستظراف روحت طلعت الموبايل وعملت نفسي بصور عشان اخوفه واخليه يبطل يضايقنى اتفاجأت وهو بيقولى بتصوريني يا بنت لفظ خارج . ساعتها اتخضيت وبدأت اصور بجد وانتو هتشوفو في الفيديو الحركات اللي بي أيده والشتايم…. وبدأ يقولى تعالى ورايا والحقيقة انى مش عارفه اروح واره فين او كان عايز يعمل ايه ولانى اتوترت وخوفت ساعتها مقدرش اصور ١٪ من اللى عمله الشخص دا .
وتابعت في تعليقها على الفيديو: انا اتشمت واتهنت واتشتمت بأهلى بأقذر الشتايم انهارده من حد معرفوش ولا عملتله حاجة ولا فتحت بوقى لمجرد انه شخص مريض اكيد الشخص دا أذى بنات كتير لانه تقريبا متعود على الحركات دى ومتعود يخوفهم ومش همه حتى انه يتصور و يتفضح انا عايزه حقى يرجعلى .
وبعدها وجهت الفنانة الشابة كارولين عزمي عبر صفحتها الشخصية على موقع الصور والفيديوهات الشهير
وعلقت كارولين عزمى قائلة: “الحمدالله حقي رجعلي عايزة اشكر وزارة الداخلية والنيابة العامة على سرعة الاستجابة ووقفتهم، شكرا انكم مسكتو الشخص ده في نفس اليوم”.
وقالت كارولين عزمى: واحب اقول لكل البنات أي موقف تتعرضيله اوعي تسكتي واجهي ومتخافيش وحقك هيجيلك احنا بلد فيها قانون .
نقلا عن صدي البلد
