حقك عليا يا بنتى أننى و والدتك دى الطفلة اللى أتمنعت هى و والدتها من وجبة الكشرى .

شعر محمد فتحي

على السريع كده بقى و رزقى على الله أنا عن نفسى الحمد لله بصوم رمضان بس مش معنى كده أنى أجبر و أفرض عللى حواليا أنهم يصوموا زى مانا صايم اللى حواليا أن كانوا مش بياكلوا قدامى ده أسمه أحترام منهم مش فرض عليهم .

أنا لما بصوم بصوم لربنا مش للبشر بس الصوم يا سيدى أنت و هو مش صيام أكل و شرب فقط ده صوم جسد و روح و أفعال أو بمعنى أصح اللى منع الطفلة

و والدتها عن وجبة الكشرى أكيد كان فاطر مليون المية .

أوعى تفكر أن ربنا راضى عن اللى أنت عملته ولا فرحان بيك مثلا أنت متعلمش مثلا أن كان ممكن تكون والدتها مريضة و ماشية على علاج و العلاج ده متقدرش تاخده مثلا غير بعد الأكل و البنت مثلا .

لو السيدة مثلا أتحملت الجوع و مسكت نفسها الطفلة البريئة دى هتتحمل أزاى هل أنت تعرف هن مأكلوش من أمتى مثلا أو ظروفهن أيه و قوللى بقى أنت فاتح ليه لما مش هتبيع و بعدين ليه تجبر غيرك على شئ مش مفروض عليه الصوم لله الصوم رحمة الصوم عبادة الصوم أمانة الصوم لربنا الصوم

للنفس .

#اللى_عايز_التغيير_يقاطع_كشرى_التحرير