رمضان صبحي يكشف تفاصيل مكالمته مع نجل مرتضى منصور

كشف لاعب النادي الأهلي ومنتخب مصر رمضان صبحي، عن تفاصيل مكالمة مفاوضات نادي الزمالك معه، من أجل الانتقال إلى القلعة البيضاء.

وقال خلال لقائه مع الإعلامية "منى الشاذلي" ببرنامج "معكم" المذاع على فضائية "سي بي سي": "صعب ألعب في نادي تاني غير الأهلي في مصر، الأهلي هو المفضل بالنسبة لي، ومفيش أي نية عندي أني أروح الزمالك، بس أنا مش هلعب لأي نادي في مصر غير الأهلي".

وأضاف: "في حد من هناك كلمني، لأن كان في مشكلة في عقدي في شهر نوفمبر الماضي، فكلموني عن طريق لاعب زميلي لأنه مكنش عارف يوصلي، وهو طلع قال أن أنا اللي كلمته، نادي الزمالك كبير وبحترمه، وبحترم جمهوره، هو قالي عملت أيه في مشكلة عقدك، وأحنا عايزينك معانا وتقول الرقم اللي أنت عايزه، قولتله نشوف الموضوع ده بعدين، وفي نفس الساعة نزلت مضيت للنادي الأهلي".

يذكر أن أحمد مرتضى منصور نجل المستشار مرتضى منصور رئيس نادي الزمالك، أكد أن رمضان صبحي هو من تحدث معه وطلب منه الانتقال للنادي الأبيض.

نقلا عن الوفد