بصوا يا قمر انتى وهى علبه التونه بقت غاليه جدا والعلبه صغيره ماتكفيش أسرة تعالى اقولك نعمل احلى تونة ومش حتكلفنا كتير وكمان انضف 100 مرةانا جبت سمكه تونه وعملتها فى البيت انظف واطعم كتير جدا وريحتها تحفه واوفر اوى اوى كيلو سمك تونه ولو معندكيش اعملى ماكريل او بلاميطه بيمشى الحال وبتنفع فى العشا جدا الطريقه هنسمى الله كده ونظف السمكه حلو من بطنها ونشيل من جواها سلسه الدم ده مهم الزفاره كلها فيها وبعدين نقطعها بالسكينه طرنشات متوسطه الحجم وننقعها فى ميه بليمون ساعه هتنزل اى ريحه فى الوقت ده هنغلى حله فيها ميه زى المكرونه ونعملها شوربه هنحط فلفل اسمر بصل وحبهان وورق لورا وياسلام لو عندك عود زعتر او روز مارى الميه تغلى تحطى مصفى عليها وتشطفى السمك المنقوع بالماء وترصيه فى المصفى الالمنيوم المهم تغطيه حلو وتهدى النار تتركيه ساعتين يستوى على البخار يابطه علشان يستوى حلو وياخد من ريحه الشوربه فى الوقت ده هنعمل كوب خل ونصف كوب زيت ونقلبهم ولما التونه تستوى حلو بعد ساعتين هتبرد وناخد من الشوربه كوب نحطه على الخل والزيت دى ماده الحفظ بتاعتنا نرجع للتونه اللى بردت هنشيل من قطعه قطعه الشوك والجلد ونحط فى طبق السمكه هتطلع معاكى كميه كبيره جدا ما شاء الله بقطعها قطع متوسطه زى الجاهزه ولما بحطها فى الطبق بهرسها زى الجاهزه بالظبط واجمل كتير بنحطها فى المحلول فى برطمان يغطى التونه وهتحفظيها فى الثلاجه ٣ شهور ويمكن اكتر كمان وكل ما تخدى تقفلى البرطمان حلو وبالهنا والشفا انا قلت افيدكم وحاجه بتوفر معانا ايه رايكم ودى صوره السمكه علشان لو اخوات متعرفهاش واجمل شىء انها بدون مواد حافظه نهائى
